Тогтоол №14961

ХЭРГИЙН ТАНИЛЦУУЛГА: Цахим орчинд "зээл олгоно" гэх зарыг байршуулж, хохирогчдыг төөрөгдөлд оруулан залилсан хэргээр яллагдагчийг Эрүүгийн хуулийн тусгай ангийн 17.3 дугаар зүйлийн 1.т заалтаар зүйлчлэн хэргийг хялбаршуулсан журмаар шийдвэрлүүлэхээр шүүхэд шилжүүлсэн. АНХАН ШАТ: Яллагдагчийн үйлдлийг Эрүүгийн хуулийн ерөнхий ангийн 2.2 дугаар зүйлийн 3.т заасныг журамлан мөн хуулийн тусгай ангийн 17.3 дугаар зүйлийн 1.т зааснаар зүйлчлэн, 320 цаг нийтэд тустай ажил хийлгэх ял оногдуулах саналыг хэлэлцэн, хэргийг прокурорт буцааж, шүүгчийн захирамжийг эс зөвшөөрч прокурор эсэргүүцэл бичсэн. ДАВЖ ЗААЛДАХ ШАТ: Прокурор анхан шатны шүүх яллагдагчийн хөнгөлөлттэй шийдвэрлүүлэх эрхийг хязгаарласан нь үндэслэлгүй, шүүгчийн захирамжийг хүчингүй болгуулах саналтай. Давж заалдах шатны шүүх прокурорын ялын санал нь яллагдагчийн хувийн байдал, гэм буруутайд тохироогүй, Эрүүгийн хуулийг буруу хэрэглэсэн, яллагдагч нь өмнө нь залилах гэмт хэрэг үйлдсэнийг харгалзаагүй гэж үзэж, анхан шатны шүүгчийн захирамжийг хэвээр үлдээж, прокурорын эсэргүүцлийг хэрэгсэхгүй болгосон.

ҮНДЭСЛЭЛ: Шүүгдэгчийн урьд удаа залилах гэмт хэрэг үйлдсэнийг харгалзан үзээгүй, Эрүүгийн хуулийн ерөнхий ангийн 6.6 дугаар зүйлийг буруу хэрэглэсэн, ялын санал нь гэмт хэрэг үйлдсэн хүнд шударгаар ял оногдуулах зорилгод нийцээгүй тул анхан шатны шүүхийн шийдвэр үндэслэлтэй байна.