Тогтоол №14565

ХЭРГИЙН ТАНИЛЦУУЛГА: Шүүгдэгч М.А нь нотлох баримтыг хуурамчаар үйлдсэн, улмаар үнэлгээчин Ш.Д-д хууль бусаар нөлөөлж, хөрөнгө үнэлгээг хуурамчаар гаргуулсан, мөн Ш.Д нь худал дүгнэлт гаргасан хэрэгт холбогдсон. АНХАН ШАТ: Анхан шатны шүүх М.А-г нотлох баримтыг хуурамчаар үйлдсэн, шинжээчид хууль бусаар нөлөөлөх гэмт хэрэгт, Ш.Д-г зориуд худал дүгнэлт гаргасан хэргээр гэм буруутайд тооцож, М.А-г торгох ял, Ш.Д-г эрх хасаж, 1 жил тэнсэх ял оногдуулсан. ДАВЖ ЗААЛДАХ ШАТ: Шүүгдэгчийн өмгөөлөгч Ш.Д-г томилох журам зөрчсөн, хуулийг буруу тайлбарласан хэмээн анхан шатны шүүхийн шийтгэх тогтоолыг хүчингүй болгож, хэргийг хэрэгсэхгүй болгуулахаар гомдол гаргасан. Давж заалдах шатны шүүх уг гомдлыг хэрэгсэхгүй болгож, анхан шатны шүүхийн шийдвэрийг хэвээр үлдээсэн.

ҮНДЭСЛЭЛ: Шүүгдэгч Ш.Д нь эрх бүхий этгээдийн шийдвэрээр үнэлгээ хийхээр томилогдсон бөгөөд хөрөнгө үнэлсэн тайландаа зах зээлийн үнэ цэнийг тодорхойлж буйгаа дурдаж, үнэлгээчнээр томилогдсоноо хүлээн зөвшөөрсөн нь нотлогдсон. Гэтэл Ш.Д нь алдагдсан эд зүйлсийн үнэлгээг анх тогтоосон хэмжээнээс бууруулж, худал дүгнэлт гаргасан нь тогтоогдсон байна. Үнэлгээч нь хуульд заасан үүргийг зөрчиж, зориуд худал тайлан гаргасан нь хэргийн бодит байдалтай нийцсэн тул өмгөөлөгчийн гомдлыг хүлээн авах үндэслэлгүй гэж үзсэн.