Тогтоол №11392

ХЭРГИЙН ТАНИЛЦУУЛГА: Мансууруулах сэтгэцэд нөлөөт ургамлыг хууль бусаар түүж бэлтгэн, хадгалсан, бусдад өгсөн этгээдтэй холбоотой эрүүгийн хэргийг прокурор эсэргүүцсэн. АНХАН ШАТ: Шүүгдэгчийг Эрүүгийн хуулийн тусгай ангийн 20.7 дугаар зүйлийн 1 дэх хэсэгт заасан гэмт хэрэгт буруутайд тооцож, 2 жилийн хугацаагаар тэнсэн, тэнсэнгийн хугацаанд согтууруулах ундаа, мансууруулах бодис хэрэглэхийг хориглох хязгаарлалт тогтоосон. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоол Эрүүгийн хуулийн шударга ёсны зарчим, гэмт хэргийн нийгмийн аюулын шинж чанар, хэм хэмжээг буруу тайлбарлаж хэрэглэсэн гэж үзэн, шийтгэх тогтоолыг хүчингүй болгуулах, хэргийг дахин хэлэлцүүлэхээр эсэргүүцэл гаргасан. Давж заалдах шатны шүүх прокурорын эсэргүүцлийг үндэслэлтэй гэж үзэн, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр анхан шатны шүүхэд буцаасан.

ҮНДЭСЛЭЛ: Анхан шатны шүүх шүүгдэгчид хорих ял оногдуулахгүйгээр тэнсэхдээ гэмт хэргийн нийгмийн аюулын шинж чанар, хэм хэмжээг бодитой үнэлж дүгнээгүй, гэм буруугийн хэлбэрт тохирсон эсэх талаар үндэслэл бүхий дүгнэлт хийгээгүй нь Эрүүгийн хуулийн ерөнхий ангийн 1.3 дугаар зүйлийн 1, 6.1 дүгээр зүйлийн 2 дахь хэсэгт заасныг зөрчсөн байна. Гэмт хэргийн нийгмийн аюулын шинж чанар, хэм хэмжээг үнэлэхэд зөвхөн шүүгдэгчийн хувийн байдал, гэмшсэн байдлыг харгалзан үзсэн нь хэргийн бодит байдалтай нийцэхгүй байна.