Тогтоол №10462

ХЭРГИЙН ТАНИЛЦУУЛГА: Хориглосон мансууруулах бодис бүхий ургамал түүж, биедээ хадгалсан гэмт хэрэгт сэжиглэгдсэн этгээдтэй холбоотой хэрэг. АНХАН ШАТ: Эрүүгийн хуулийн тусгай ангийн 20.7 дугаар зүйлийн 1 дэх хэсэгт заасан гэмт хэргийг үйлдсэн гэм буруутайд тооцож, 2 жилийн хугацаагаар тэнсэж, тэнссэн хугацаанд согтууруулах ундаа, мансууруулах бодис хэрэглэхийг хориглох хязгаарлалт тогтоосон. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолыг Эрүүгийн хуулийг буруу хэрэглэсэн үндэслэлээр эсэргүүцэн, хэргийг дахин хэлэлцүүлэхээр буцаах санал гаргасан. Прокурор нь гэмт хэргийн нийгмийн аюул, хэм хэмжээ, гэм буруу, хор уршгийг харгалзаагүйг гол үндэслэлээ болгосон.

ҮНДЭСЛЭЛ: Шүүгдэгчийн үйлдлийг бусдад өгсөн эсэхэд дүгнэлт хийлгүй орхигдуулж шийдвэрлэсэн нь хэргийн бодит байдалд нийцээгүй, мөрдөн байцаалтын шатанд "бусдад өгсөн" шинжийг тогтоож яллагдагчаар татах эсэх шийдвэр гараагүй тул анхан шатны шүүхийн шийтгэх тогтоолыг хүчингүй болгож, нэмэлт ажиллагаа хийлгүүлэхээр прокурорт буцаасан.