Дампуурлын тухай
18 дугаар зүйл.Хариуцагчийн эд хөрөнгийг худалдах
- Эхэд тэмдэглэсэн төлөв
- Албан эхэд хүчинтэй
- Баталсан
- Сангийн хувилбар нийтэлсэн
Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.
18.1.Хариуцагчийн эд хөрөнгийг худалдахдаа хамгийн өндөр үнэд хүргэх аргаар худалдана.
18.2.Хариуцагчийн эд хөрөнгийг үнэлэхдээ түүний зах зээлийн ханш, чанар, хэрэгцээ, элэгдэл болон хариуцагчийн саналыг харгалзана.
18.З.Тухайн эд хөрөнгийг үнэлэхэд хүндрэл учирсан, хэрэг гүйцэтгэгчээс тогтоосон үнэлгээг хариуцагч зөвшөөрөөгүй тохиолдолд үнэлгээний шинжээч томилж болно. Үнэлгээний шинжээчийн тогтоосон үнэ эцсийнх байна.
18.4.Эд хөрөнгийг дуудлагын худалдаагаар худалдахдаа Иргэний хуулийн 197 дугаар зүйл, Шүүхийн шийдвэр биелүүлэх тухай хуулийн 39.5, 39.10, 39.11-д заасан журмыг баримтална.
/Энэ хэсэгт 2002 оны 7 дугаар сарын 4-ний өдрийн хуулиар өөрчлөлт орсон/
18.5.Эд хөрөнгийг худалдсанаас орсон орлогын зохих хувийг нэхэмжлэгчдийн хурал /зөвлөл/-ын шийдвэрээр хэрэг гүйцэтгэгчид олгоно.
Энэ зүйлд иш татсан заалтууд
- Иргэний хууль: 197 дугаар зүйл. Үнэ хаялцуулах ажиллагаа
Ишлэлийн эх
Иргэний хуулийн 197 дугаар зүйл, Шүүхийн шийдвэр биелүүлэх тухай хуулийн 39.5, 39.10, 39.11-д заасан журм
Энэ зүйлийг иш татсан заалтууд
- Дампуурлын тухай: 12 дугаар зүйл.Хэрэг гүйцэтгэгчийн эрх, үүрэг
Ишлэлийн эх
энэ хуулийн 18 дугаар зүйлд заасан журмын дагуу хариуцагчийн эд хөрөнгийг худалдах;