Уур амьсгалын өөрчлөлтийн тухай
24 дүгээр зүйл.Карбон кредитийн бүртгэл, шилжүүлэг
- Эхэд тэмдэглэсэн төлөв
- Албан эхэд хүчинтэй
- Баталсан
- Сангийн хувилбар нийтэлсэн
Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.
24.1.Баталгаажсан карбон кредит нь карбон кредитийн бүртгэлийн системд бүртгэгдсэнээр түүнийг эзэмших, ашиглах, шилжүүлэх, худалдах, арилжих, захиран зарцуулах эрх үүснэ.
24.2.Улсын болон орон нутгийн төсвийн санхүүжилтээс бусад эх үүсвэрээр хэрэгжүүлсэн төслөөс үүссэн карбон кредитийн эзэмших эрхийг хэрэгжүүлэгч, санхүүжүүлэгч, төслийг хэрэгжүүлсэн орон нутгийн төлөөлөл, бусад сонирхогч талуудын хооронд байгуулсан гэрээгээр тогтоох бөгөөд тухайн гэрээнд талуудын оролцоо, эрх, үүрэг, үр ашгийн хуваарилалт тусгагдсан байна.
24.3.Улсын болон орон нутгийн төсвийн санхүүжилтээр хэрэгжүүлсэн төслөөс үүсэх кредитийг эзэмших, ашиглах, шилжүүлэх, худалдах, бусад хэлбэрээр захиран зарцуулахтай холбогдсон харилцааг энэ хуулийн 7.1.8-д заасан журмаар зохицуулна.
24.4.Карбон кредитийн эзэмшил, шилжүүлгийн мэдээллийг үндэсний бүртгэлд бүртгэж, Үндэсний тодорхойлсон хувь нэмрийн зорилтын хэрэгжилтийн тайланд тусгаж тайлагнана.
Энэ зүйлд иш татсан заалтууд
- Уур амьсгалын өөрчлөлтийн тухай: 7 дугаар зүйл.Засгийн газрын бүрэн эрх
Ишлэлийн эх
энэ хуулийн 7.1.8-д заасан журмаар зохицуулна.
Энэ зүйлийг иш татсан заалтууд
- Уур амьсгалын өөрчлөлтийн тухай: 7 дугаар зүйл.Засгийн газрын бүрэн эрх
Ишлэлийн эх
энэ хуулийн 23, 24 дүгээр зүйлд заасан карбон зах зээлийг зохицуулах, карбон кредитийг бүртгэх журам б