Боловсролын ерөнхий хууль /шинэчилсэн найруулга/
11 дүгээр зүйл.Суралцагчийн нийгмийн баталгаа
- Эхэд тэмдэглэсэн төлөв
- Албан эхэд хүчинтэй
- Баталсан
- Сангийн хувилбар нийтэлсэн
Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.
11.1.Цэцэрлэг, ерөнхий боловсрол, мэргэжлийн болон техникийн боловсролын сургалтын байгууллагад суралцагчид ногдох хувьсах зардлыг төр хариуцна.
11.2.Ерөнхий боловсролын сургуулийн суралцагчид сургуулийн автобусаар үйлчилж болно.
11.3.Гадаадын болон дотоодын мэргэжлийн, техникийн, дээд боловсролын сургалтын байгууллагад суралцагчид Засгийн газраас тогтоосон шалгуур, шаардлагыг хангасан тохиолдолд суралцагчийн тэтгэлэг олгоно.
11.4.Мэргэжлийн болон техникийн боловсролын сургалтын байгууллагад суралцагчид тэтгэлэг олгож болно.
11.5.Тэргүүлэх, эрэлттэй мэргэжлээр суралцагчид сургалтын төлбөрийн хөнгөлөлт, тэтгэлэг, зээл олгоно.
11.6.Хөгжлийн бэрхшээлтэй хүний эрхийн тухай хуулийн 4.1.1-д заасан суралцагч боловсрол эзэмшихэд шаардагдах тохирох хэрэглэгдэхүүн, дэмжих үйлчилгээгээр хангагдана.
11.7.Холбогдох хууль тогтоомжид заасан бусад баталгаагаар хангагдана.
Энэ зүйлд иш татсан заалтууд
- Хөгжлийн бэрхшээлтэй хүний эрхийн тухай: 4 дүгээр зүйл. Хуулийн нэр томьёоны тодорхойлолт
Ишлэлийн эх
Хөгжлийн бэрхшээлтэй хүний эрхийн тухай хуулийн 4.1.1-д заасан суралцагч боловсрол эзэмшихэд шаардагдах тохирох хэрэглэгдэхүүн, дэмжих үй
Энэ зүйлийг иш татсан заалтууд
- Боловсролын ерөнхий хууль /шинэчилсэн найруулга/: 24 дүгээр зүйл.Монгол Улсын Засгийн газрын бүрэн эрх
Ишлэлийн эх
энэ хуулийн 11.3, 11.4, 11.5-д заасан тэтгэлэг, зээл олгох, эргэн төлүүлэх, дэмжлэг үзүүлэх журмыг бат
- Мэргэжлийн болон техникийн боловсрол, сургалтын тухай /шинэчилсэн найруулга/: 17 дугаар зүйл.Суралцагчийн эрх, үүрэг
Ишлэлийн эх
Боловсролын ерөнхий хуулийн 11.3-т заасан тэтгэлэг авах;