HuuliTech

Цэргийн алба хаагчийн эрх зүйн байдлын тухай

6 дугаар зүйл. Цэргийн алба хаагчийн үүрэг

Эхэд тэмдэглэсэн төлөв
Албан эхэд хүчинтэй
Баталсан
Сангийн хувилбар нийтэлсэн

Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.

Legalinfo.mn дээрх албан эх
#

6.1.Цэргийн алба хаагч дараахь нийтлэг үүрэгтэй:

#

6.1.1.эх орон, төр, ард түмнээ хүндэтгэн дээдлэх;

#

6.1.2.өргөсөн тангарагтаа үнэнч байх;

#

6.1.3.Монгол Улсын хууль тогтоомж, цэргийн нийтлэг дүрмийг чанд сахин биелүүлэх;

#

6.1.4.албан тушаалын үүргээ биелүүлэх;

#

6.1.5.захирах, захирагдах зарчмыг мөрдөх;

#

6.1.6.гадаад улсад үүрэг гүйцэтгэхдээ тухайн улсын болон олон улсын холбогдох хууль тогтоомжийг мөрдөх;

#

6.1.7.цэргийн алба хаагчийн ёс зүйн хэм хэмжээг сахих;

#

6.1.8.хариуцсан зэвсэг, цэргийн техникийг чадамгай эзэмшиж, хамгаалах;

#

6.1.9.төрийн болон албаны нууц, байгууллагын нууц, хүний эмзэг мэдээллийг алба хаах хугацаандаа болон албанаас чөлөөлөгдсөний дараа задруулахгүй байх; /Энэ заалтад 2021 оны 12 дугаар сарын 17-ны өдрийн хуулиар өөрчлөлт оруулсан./

#

6.1.10.мэдлэг, мэргэшлийн түвшнээ ахиулж байх.

#

6.2.Захирагч, даргын гаргасан тушаал, шийдвэрийг цэргийн алба хаагч үг дуугүй биелүүлэх үүрэгтэй.

#

6.3.Захирагч, даргын тушаал, шийдвэр нь хууль тогтоомжид нийцсэн байна.

#

ГУРАВДУГААР БҮЛЭГ

#

ЦЭРГИЙН АЛБА ХААГЧИЙН ДАВУУ ЭРХ, ЭРХИЙН ХЯЗГААРЛАЛТ

Энэ зүйлд иш татсан заалтууд

Энэ сангийн бүртгэлд холбогдох ишлэл байхгүй.

Энэ зүйлийг иш татсан заалтууд