Бусад эрх зүй · 2.11Монгол Улсын иргэн Л нь Япон улсад хувийн хэргээр зорчих үедээ паспорт болон эрүүл мэндийн бичиг баримтаа гээгдүүлсний улмаас эх орондоо хэрхэн буцаж ирэхтэй холбогдсон асуудал үүссэн байна. Энэ тохиолдолд аль улсын хуулиар зохицуулах вэ?
Бусад эрх зүй · 2.11Монгол Улсын иргэнийг гадаад улсад хөдөлмөр эрхлэхэд зуучилдаг “Л” компани Япон улсын нэгэн үйлдвэртэй 3 жилийн хугацаатай гэрээ байгуулж, Монгол Улсын 100 иргэнийг хөдөлмөр эрхлүүлэхээр зуучилжээ. Гэтэл 2 жилийн дараа ажил олгогч “Л”-ийг зөвшөөрлийн хугацаагаа сунгуулсан эсэхээ мэдэгдээгүй тул гэрээний хугацаа дуусахаас өмнө ажилчдыг буцаах талаар мэдэгджээ. Энэ харилцааг аль улсын хуулиар зохицуулах вэ?
Бусад эрх зүй · 2.11Монгол Улсын иргэн Т нь АНУ-ын иргэн У-тай Флорида мужид гэрлэжээ. 7 жилийн дараа гэрлэлтээ цуцлуулах ба гэрлэснээс хойш бий болсон хөрөнгийн маргаан гарсан байна. Т ажил хийж хөрөнгийн дийлэнх төлбөрийг бий бүрдүүлсэн тул 70 хувийг авах эрхтэй, У өөрийн танил найз нөхдөөсөө хөрөнгийг зах зээлийн үнээс доогуур үнээр худалдан авах санаачилга гаргасан тул хөрөнгийн 70 хувийг авах эрхтэй хэмээн хөрөнгийн өмчлөх эрхтэй холбогдсон асуудал үүсжээ. Гэрлэгчид өмчлөх эрхийн асуудлыг зохицуулахад ямар нэгэн хууль сонгоогүй бол аль улсын хуулиар зохицуулах вэ?
Бусад эрх зүй · 2.11АНУ-ын нэгэн компани жил бүр зохион байгуулдаг хурлын үеэр өөрийн компанийн брэнд барааг үнэ хаялцуулан худалдахад Монгол Улсын иргэн Г худалдан авсан тохиолдолд Бараа худалдах, худалдан авах олон улсын гэрээний тухай НҮБ-ын Конвенц хамаарах уу?
Бусад эрх зүй · 2.11БНСУ-ын “А” компани Монгол Улсын “С” компанитай байгуулсан ажил гүйцэтгэх гэрээнд маргаан гарвал Монголын олон улсын арбитраар шийдвэрлүүлэх нөхцөлийг тусгасан, харин хэрэглэх хуулийн талаар тохиролцоогүй. Талуудын хооронд маргаан гарч “А” арбитрт нэхэмжлэл гаргасан ба “А” нь БНСУ-ын Иргэний хуулийг, “С” нь Монгол Улсын Иргэний хуулийг хэрэглэх саналтай тохиолдолд арбитрын бүрэлдэхүүн хэрэглэх хэм хэмжээг хэрхэн тогтоох вэ?
Бусад эрх зүй · 2.11Япон улсын “А” компани БНСУ-ын “Б” компанид усан онгоц худалдсан тохиолдолд Бараа худалдах, худалдан авах олон улсын гэрээний тухай НҮБ-ын Конвенц хамаарах уу?
Бусад эрх зүй · 2.11Монгол Улсын иргэн Б нь БНХАУ-д удаан хугацаагаар эмчилгээ хийлгэх шаардлага гарсан тул хүү, охин хоёртоо өөрийн хөрөнгөө хувааж өвлүүлэх тухай гэрээслэл үлдээжээ. Б нь 7 жил тус улсад байнга амьдран сууж эмчилгээ хийлгэсэн хэдий ч эрүүл мэнд нь сайжрахгүй дордсон тул нас барахынхаа өмнө эмчилгээ хийлгэж байсан эмнэлэгтээ өмнөх гэрээслэлээ өөрчилж үлдээсэн. Хүү нь анхны гэрээслэлээр өвлөх, охин нь өөрчилсөн гэрээслэлээр өвлөх хүсэлттэй байжээ. Энэ тохиолдолд аль улсын хуулиар тодорхойлох вэ?
Бусад эрх зүй · 2.11Төв аймгийн Баянцагаан суманд нийт санхүүжилтийн 60 хувийг Австрали Улсын иргэн Ж, 20 хувийг Монгол Улсын иргэн С, 20 хувийг тоног төхөөрөмжийн хамт БНЭУ-ын иргэн Р нийлүүлж жоншны баяжмалын хамтарсан үйлдвэр байгуулжээ. Үйлдвэр байгуулсны дараа ашиг хуваарилалттай холбоотой асуудлаар өөр өөрсдийн харьяалагдах улсын хуулийг хэрэглэх санал гаргасан ба талууд гэрээндээ хэрэглэх хуулийг сонгоогүй тохиолдолд Монгол Улсын иргэний хуулиар уг харилцааг аль улсын хуулиар зохицуулахыг тодорхойлсон бэ?
Бусад эрх зүй · 2.11БНХАУ-ын “А” компани Монгол Улсын “Б” компанитай 2 тонн хүнсний бараа худалдах, худалдан авах гэрээ байгуулах үед ажлын газар болон зуслангийн байрныхаа гал тогооны өрөөний тавилгыг шинэчлэх санаа төрсөн тул дээрх хүнсний бараатай хамт худалдан авахаар тохиролцжээ. Тээвэрлэлтийн явцад гал тогооны тавилгын зарим нь эвдэрч гэмтсэнтэй холбогдон хохирлыг барагдуулах талаар маргаан үүссэн. Энэ тохиолдолд Бараа худалдах, худалдан авах олон улсын гэрээний тухай НҮБ-ын Конвенц хамаарах уу?
Бусад эрх зүй · 2.11БНСУ-ын “А” компани, БНХАУ-ын “Б” компани, Монгол Улсын “В” компани харилцан тохиролцож Монгол Улсын Дорнод аймгийн Цагаан- Овоо суманд хамтарсан үйлдвэр байгуулах тухай гэрээ байгуулан ажиллах явцад үйлдвэрлэл эрхлэх ерөнхий зөвшөөрөл авах ажлыг аль компани хариуцах үүргийн талаар хэлэлцсэн байна. “Б” нь өөрийн улсын нутагт байгаа “В”-г, “В” нь тоног төхөөрөмжөө нийлүүлсэн “А”- г, “A” нь 40 хувийн санхүүжилт хийсэн “Б”-г энэ ажлыг хийх нь зүйтэй гэсэн санал гаргасан тул талууд нэгдсэн тохиролцоонд хүрч чадаагүй. Талууд гэрээнд хэрэглэх хуулийг сонгоогүй тохиолдолд аль улсын хуулиар зохицуулах вэ?