Шүүхийн тогтоол #2425

ХЭРГИЙН ТАНИЛЦУУЛГА: "О о" ХХК нь Ашигт малтмал, газрын тосны газрын Кадастрын хэлтсийн даргын тусгай зөвшөөрөл цуцлах тухай шийдвэрийн заалтыг хүчингүй болгуулахаар нэхэмжилжээ. АНХАН ШАТ: Тусгай зөвшөөрөл цуцлах шийдвэрийн заалтыг хүчингүй болгуулах нэхэмжлэлийг бүхэлд нь хэрэгсэхгүй болгосон. Ашигт малтмалын тухай хуулийн 34.2, 34.7, 56.1, 56.1.2-т заасныг баримталсан. ДАВЖ ЗААЛДАХ ШАТ: Анхны шатны шүүхийн шийдвэрийг хүчингүй болгож, нэхэмжлэлийн шаардлагыг бүхэлд хангаж, тусгай зөвшөөрөл цуцлах шийдвэрийн холбогдох хэсгийг хүчингүй болгосон. Ашигт малтмалын тухай хуулийн 34.7, 56.1.2, Захиргааны ерөнхий хуулийн 4.2.5, 24.2-т заасныг баримталсан. ХЯНАЛТЫН ШАТ: Давж заалдах шатны шүүхийн магадлалыг хүчингүй болгож, хэргийг анхан шатны шүүхэд дахин хэлэлцүүлэхээр буцаасан. ҮНДЭСЛЭЛ: 1. Анхан болон давж заалдах шатны шүүхүүд түгээмэл тархацтай ашигт малтмалын тусгай зөвшөөрлийн төлбөрийг хугацаанд нь бүрэн төлсөн эсэх маргаанд Ашигт малтмалын тухай хуулийн холбогдох заалтуудыг баримтлан хэргийг шийдвэрлэсэн нь, Түгээмэл тархацтай ашигт малтмалын тухай хуулиар тусгайлан зохицуулсан зохицуулалтад холбогдуулж дүгнэлт хийгээгүй, хэрэглэхгүй байх үндэслэлүүдийг заагаагүй нь буруу. 2. Хяналтын шатны шүүх хэргийг эцэслэн шийдвэрлэх боломжгүй тул дахин хэлэлцүүлэхээр буцаасан.