Шүүхийн тогтоол #1208

ХЭРГИЙН ТАНИЛЦУУЛГА: Иргэд нь нийслэлийн Засаг даргын захирамжаар газрын эрхээ шилжүүлэн авсан нь өөрсдийн газар эзэмших эрхийг зөрчсөн, хууль бус үйлдлийг хүчингүй болгуулахаар нэхэмжилжээ. АНХАН ШАТ: Нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг хүчингүй болгож, нэхэмжлэлийг бүхэлд нь хангасан. Нийслэлийн Засаг даргын захирамжийн зарим хэсгийг болон газар бүртгэсэн үйлдлийг хууль бус болохыг тогтоож, хүчингүй болгосон. ХЯНАЛТЫН ШАТ: Хариуцагч, гуравдагч этгээдээс гаргасан гомдлууд нь нэхэмжлэгчдийн эрх ямар байдлаар зөрчигдсөнийг тодорхойлох шаардлагатай, хуулийг буруу тайлбарласан, хэргийн хүрээнээс хэтэрсэн гэх үндэслэлтэй байв. ҮНДЭСЛЭЛ: 1. Нийслэлийн Засаг даргын захирамжаар иргэн Б.Ц-ийн газар эзэмших эрхийг Д.Г, П.Н нарт шилжүүлсэн нь нэхэмжлэгч Г.Б, С.Ц нарын эзэмшлийн гражийн газарт давхцсан, нэхэмжлэгч нартай урьдчилан тохиролцоогүй, газраа чөлөөлүүлэх хугацаатай мэдэгдэл өгөөгүй байсан нь тэдний хууль ёсны эрх, ашиг сонирхлыг зөрчсөн байна. 2. Нэхэмжлэгч нар газраа хууль ёсоор эзэмшээгүй ч 1997 оноос хойш ашиглаж, газрын төлбөр төлж байсан нь тогтоогдсон. 3. Захиргааны байгууллага нь газар эзэмших эрхийг шилжүүлэх нэрийн дор шинээр газар эзэмшүүлэх шийдвэр гаргасан нь хууль тогтоомжийг зөрчсөн байна. 4. Давж заалдах шатны шүүх нь хэргийг хянан шийдвэрлэхдээ хэрэгт цугларсан нотлох баримтууд болон талуудын тайлбарт үндэслэн, хуулийг зөв тайлбарлаж, нэхэмжлэлийн шаардлагыг хангасан нь зөв байсан.