Шүүхийн тогтоол #1067

ХЭРГИЙН ТАНИЛЦУУЛГА: Нэхэмжлэгч компани нь орон сууцыг өөрийн нэр дээр бүртгэн, өмчлөх эрхийн гэрчилгээ олгохоос татгалзсан үйлдлийг хууль бус болохыг тогтоолгож, улсын бүртгэлд бүртгэх, гэрчилгээ олгохыг даалгах шаардлага бүхий нэхэмжлэлийг шүүхэд гаргасан. Нэхэмжлэгч нь уг орон сууцыг бусдын барьцаанд байхад шилжүүлэн авсан гэх үндэслэлээр хариуцагчийн татгалзсан үйлдлийг хууль ёсны гэж үзсэн. АНХАН ШАТ: Нэхэмжлэлийг бүхэлд нь хэрэгсэхгүй болгож шийдвэрлэсэн. Улсын бүртгэлийн тухай хуулийн холбогдох зүйл заалтыг үндэслэсэн. ДАВЖ ЗААЛДАХ ШАТ: Анхан шатны шүүхийн шийдвэрийг хэвээр үлдээсэн. ХЯНАЛТЫН ШАТ: Анхан болон давж заалдах шатны шүүхээс маргааны үйл баримтад үндэслэл бүхий дүгнэлт хийж, нэхэмжлэлийг хэрэгсэхгүй болгосон нь зөв гэж үзээд, нэхэмжлэгчийн өмгөөлөгчийн гаргасан гомдлыг хангахгүй орхиж шийдвэрлэсэн. ҮНДЭСЛЭЛ: 1. Нэхэмжлэгч нь маргаан бүхий орон сууцыг шилжүүлэн авахдаа бусдын барьцаанд байгаа эсэхийг шалгаж тодруулах бүрэн боломжтой байсан. 2. Улсын бүртгэлд өмнө нь бүртгэгдсэн эрх нь хүчинтэй байхад дахин бүртгэж, гэрчилгээ олгохыг хориглох, эрхийн улсын бүртгэлд нэмэлт, өөрчлөлт хийхийн өмнө эрх нь хөндөгдөж болох иргэн, хуулийн этгээдийн зөвшөөрлийг авсан байхаар хуульчилсан. 3. Нэхэмжлэгч нь уг орон сууцтай холбоотой эрх үүсэхээс өмнө тухайн орон сууц нь бусдын барьцаанд байсан нь тогтоогдсон. 4. Иймээс барьцааны зүйл болж улсын бүртгэлд бүртгэгдсэн орон сууцыг гуравдагч этгээдийн зөвшөөрөлгүйгээр нэхэмжлэгчийн өмчлөлд бүртгэх хууль зүйн үндэслэлгүй.