Тогтоол №6447

ХЭРГИЙН ТАНИЛЦУУЛГА: "Л" ХХК нь ашигт малтмалын хайгуулын тусгай зөвшөөрөл авч, үйл ажиллагаа явуулах гэж байхад орон нутгийн Иргэдийн Төлөөлөгчдийн Хурлын тогтоолоор хайгуулыг зогсоосон нь хууль бус, эрх хэмжээнээс хэтэрсэн үйлдэл гэж үзэн уг тогтоолыг хүчингүй болгуулахаар нэхэмжилжээ. Хариуцагч нь орон нутгийн иргэдийн саналыг үндэслэн, хайгуулын үйл ажиллагаанаас үүдэх сөрөг нөлөөллөөс урьдчилан сэргийлж, эрх хэмжээнийхээ хүрээнд тогтоол гаргасан гэж тайлбарлажээ. АНХАН ШАТ: "Л" ХХК-ийн нэхэмжлэлийг хангаж, Алтай сумын Иргэдийн Төлөөлөгчдийн Хурлын хайгуулын үйл ажиллагааг зогсоох тухай тогтоолыг хууль бус болохыг тогтоож, хүчингүй болгожээ. Үүнд Засаг захиргаа, нутаг дэвсгэрийн нэгж, түүний удирдлагын тухай хуулийн 18.1, Ашигт малтмалын тухай хуулийн 12.1.1, 12.1.2-ыг тус тус баримтлажээ. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэр нь өөрийн онцгой бүрэн эрхийг хөндсөн, мөн Ашигт малтмалын тухай хуулийг зөрчсөн гэж үзэн давж заалдсан. ҮНДЭСЛЭЛ: Сумын Иргэдийн Төлөөлөгчдийн Хурлын тогтоол нь эрх хэмжээнээс хэтэрсэн, нэхэмжлэгчийн хуулиар олгогдсон эрхийг зөрчсөн гэж анхан шатны шүүхийн дүгнэлт үндэслэлтэй байлаа. Ашигт малтмалын тухай хуулийн дагуу олгогдсон тусгай зөвшөөрөлтэй холбоотой асуудлыг шийдвэрлэх эрх сумын Иргэдийн Төлөөлөгчдийн Хуралд харьяалагдахгүй. Хариуцагчийн "зөвхөн тухайн хурал тогтоолоо хүчингүй болгоно, дээд байгууллага, шүүх биш" гэх тайлбар хуульд нийцэхгүй байна.