Тогтоол №6155

ХЭРГИЙН ТАНИЛЦУУЛГА: Төрийн албан хаагчийг албан үүргээ хангалтгүй биелүүлсэн үндэслэлээр ажлаас халах тухай захиргааны акт хууль бус болохыг тогтоолгох, албан тушаал, цол, эрхээ сэргээлгэх, олговор гаргуулах нэхэмжлэл. АНХАН ШАТ: Төрийн албаны тухай хуулийн 25.1.1, Шүүхийн шийдвэр гүйцэтгэх тухай хуулийн 277.1.1, 280.1-ийг баримтлан нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгч анхан шатны шүүхийн шийдвэрийг эс зөвшөөрч, ажлаас халах тушаалыг үндэслэсэн сахилгын шийтгэл ногдуулах эрх бүхий албан тушаалтны шийдвэр хүчин төгөлдөр бус, мөн үндэслэл нь хууль бус тушаалд тулгуурласан тул хууль бус гэж маргасан. Давж заалдах шатны шүүх тушаалд заасан үндэслэлийг (үр дүнгийн гэрээг дүгнэлт хийх хугацаа болоогүй байхад хангалтгүй биелүүлсэн гэх) үндэслэлгүй гэж үзсэн.

ҮНДЭСЛЭЛ: Төрийн албаны тухай хуулийн 25.1.1-д заасан "албан үүргээ хангалтгүй биелүүлсэн" гэдэг нь ажлын байрны тодорхойлолт, чиг үүрэгт тусгагдсан үйл ажиллагааг чанарын хувьд доголдуулсан, хугацаа хэтрүүлсэн, журмыг зөрчсөн байдлыг ойлгоно. Нэхэмжлэгч нь жилийн эцсийн үр дүнгийн гэрээг дүгнэх хугацаа болоогүй байхад ажлаас халагдсан нь үндэслэлгүй. Шүүхийн шийдвэр гүйцэтгэх тухай хуулийн 281.3.2-т заасны дагуу тухайн байгууллагын дарга сахилгын шийтгэл ногдуулах эрхтэй тул хариуцагчийн гаргасан анхан шатны шийдвэрийг хүчингүй болгож, нэхэмжлэлийг хангасан.