Тогтоол №6146

ХЭРГИЙН ТАНИЛЦУУЛГА: Нэхэмжлэгч нь Иргэдийн Төлөөлөгчдийн Хурлын даргын албан тушаалаас чөлөөлөгдсөн нь хууль бус гэж үзэн, анхан шатны шүүхэд хандсан. Хариуцагч нь шүүхийн шийдвэрийг эс зөвшөөрч давж заалдах гомдол гаргасан. АНХАН ШАТ: Сумын Иргэдийн Төлөөлөгчдийн Хурлын даргыг үүрэгт ажлаас нь чөлөөлөх тогтоолыг хууль бус болохыг тогтоож, хүчингүй болгож, албан тушаалд нь эгүүлэн тогтоож, эрүүл мэнд, нийгмийн даатгалын дэвтэрт бичилт хийлгэхийг даалгасан. ДАВЖ ЗААЛДАХ ШАТ: Хариуцагч нь даргыг чөлөөлөх нь улс төрийн шийдвэр тул захиргааны хэргийн шүүхэд хамаарахгүй, нэхэмжлэлийн шаардлага хуульд заасан хугацаа хэтэрсэн, эрх нь зөрчигдсөнийг шүүх тогтоогоогүй гэж үзэн гомдол гаргасан.

ҮНДЭСЛЭЛ: Хурлын даргыг чөлөөлөх, шинээр сонгох асуудал нь хуралдаанаар хэлэлцэх асуудлын төлөвлөгөөнд ороогүй байхад хэлэлцэгдсэн нь хуулийн заалтыг зөрчсөн. Хурлын даргыг чөлөөлөх, шинээр сонгох асуудлыг шийдвэрлэхэд шаардлагатай тооцоо, судалгаа, лавлагаа, шийдвэрийн төсөл бэлтгэгдээгүй нь хууль зөрчсөн үйлдлэл болсон. Анхан шатны шүүх нэхэмжлэлийн шаардлагаа хүлээн авч шийдвэрлэхдээ, сонгуулийн дүнгээр хамгийн олон суудал авсан нам, эвсэл нэр дэвшүүлэх эрхтэй гэсэн хэргийн үйл баримтад шууд хамааралгүй заалтыг хэрэглэснийг өөрчилж, давж заалдах гомдлыг хангаагүй.