Тогтоол №5109

ХЭРГИЙН ТАНИЛЦУУЛГА: Газар эзэмших хүсэлтээ шийдвэрлээгүй тул захиргааны байгууллагын эс үйлдэхүйг хууль бус болохыг тогтоож, газрыг эзэмшүүлэх, гэрээ байгуулах, гэрчилгээ олгохыг даалгаж, бусдад олгосон газрын хэсгийг хүчингүй болгуулах шаардлага гаргасан.

АНХАН ШАТ: Газрын тухай хуулийн холбогдох зүйл заалтыг баримтлан гаргасан нэхэмжлэлийг бүхэлд нь хэрэгсэхгүй болгосон.

ДАВЖ ЗААЛДАХ ШАТ: Нэхэмжлэгчийн өмгөөлөгч анхан шатны шүүхийн шийдвэр хууль ёсны бөгөөд үндэслэл бүхий байх шаардлага хангаагүй гэж гомдол гаргасан. Нэхэмжлэгч газраа худалдан авсан, удаа дараа хүсэлт гаргасан боловч шийдвэрлээгүй, мөн бусдад олгосон газрын хэсгийг хүчингүй болгуулах шаардлага нь нэхэмжлэлийн шаардлага болсон. Гэтэл анхан шатны шүүх нэхэмжлэлийн шаардлагыг хэрэгсэхгүй болгосон.

ҮНДЭСЛЭЛ: Нэхэмжлэгч нь худалдаж авсан гэх газрын эрхийн улсын бүртгэлд бүртгэгдээгүй, газар эзэмших эрхгүй байсан тул газраа шилжүүлэн авах боломжгүй. Мөн газрыг давхцуулан олгосон нь тогтоогдоогүй, захиргааны байгууллагаас газар эзэмшүүлэх эрхийг шийдвэрлээгүй эс үйлдэхүйг хууль бус гэж үзэх, эсхүл нэхэмжлэл гаргах хугацаа хэтэрсэн гэж үзэх үндэслэлгүй. Иймд анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.

ХЭРГИЙН ТАНИЛЦУУЛГА: Тамга, тэмдэг хэрэглэх, хадгалах журмыг зөрчсөн тул ногдуулсан шийтгэлийг хүчингүй болгуулах шаардлага гаргасан.

АНХАН ШАТ: Зөрчлийн тухай хуулийн холбогдох зүйл заалтыг баримтлан гаргасан нэхэмжлэлийг бүхэлд нь хангаж, шийтгэлийн хуудсыг хүчингүй болгосон.

ДАВЖ ЗААЛДАХ ШАТ: Хариуцагч анхан шатны шүүхийн шийдвэр хууль буруу тайлбарласан, шударга бус гэж үзэн гомдол гаргасан. Нэхэмжлэгч нь хуулийн этгээдийн эрх бүхий төлөөлөгч боловч хувь хүн мэтээр шийтгэл ногдуулсан, эрхээ урвуулан ашигласан гэж үзсэн.

ҮНДЭСЛЭЛ: Нэхэмжлэгч нь төрийн албан хаагч, удирдагч албан тушаалтан бөгөөд түүнийг хуулийн этгээд гэж үзэх үндэслэлгүй, тамга тэмдэг нь хувь хүнийх биш тул хуулийн этгээд гэж үзэж 500 нэгжээр торгох шийтгэл ногдуулах нь хуульд нийцээгүй. Иймд анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.