Тогтоол №3682

ХЭРГИЙН ТАНИЛЦУУЛГА: Орон сууцны өмчлөх эрхийг улсын бүртгэлд бүртгэсэн, гэрчилгээ олгосон улсын байцаагчийн үйлдлийг хууль бус болохыг тогтоолгож, бүртгэл, гэрчилгээг хүчингүй болгуулах тухай. АНХАН ШАТ: Нэхэмжлэлийг бүхэлд нь хэрэгсэхгүй болгосон. Эд хөрөнгө өмчлөх эрх, түүнтэй холбоотой эд хөрөнгийн бусад эрхийн улсын бүртгэлийн тухай хуулийн 10 дугаар зүйлийн 10.3, 10.6-г баримтлав. ДАВЖ ЗААЛДАХ ШАТ: Анхан шатны шүүхийн шийдвэрийг эс зөвшөөрч, бүртгэл хийхдээ үндэслэсэн журмын заалт, талуудын тайлбар, дүгнэлт болон өмчлөх эрхийн маргаантай холбоотой гэж дүгнэснийг гомдолд дурдсан. ҮНДЭСЛЭЛ: Анхан шатны шүүх ач холбогдол бүхий нотлох баримтыг бүрэн цуглуулаагүй байх тул шийдвэрийг хүчингүй болгож, хэргийг дахин хэлэлцүүлэхээр буцаав. Маргааны гол үйл баримтад хамаарах нотлох баримтыг бүрэн цуглуулах, шүүхэд хянан шийдвэрлэх тухай хуулийн 119.2, 121.1.4, 121.3.4-т заасныг удирдлага болгов.