Тогтоол №3424

ХЭРГИЙН ТАНИЛЦУУЛГА: Хуульч А.О нь Монголын Хуульчдын холбоонд гишүүнээр элсүүлэхээс татгалзсан нь хууль бус гэж үзэн, гишүүнээр элсүүлэх шийдвэр гаргах шаардлага бүхий нэхэмжлэл гаргажээ. АНХАН ШАТ: Хуульчийн эрх зүйн байдлын тухай хуулийн холбогдох зүйл заалтыг баримтлан нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгч нь ял шийтгэгдсэн боловч амьдралын байдал өөрчлөгдсөн, шинэ Эрүүгийн хуулиар ялтай байдал гэсэн ойлголт байхгүй болсон тул гишүүнээр элсүүлэх ёстой хэмээн гомдол гаргажээ. Давж заалдах шатны шүүх анхан шатны шүүхийн шийдвэрийг хэвээр үлдээж, нэхэмжлэлийг хангахгүй орхив.

ҮНДЭСЛЭЛ: Хуульчийн эрх зүйн байдлын тухай хуулийн 21 дүгээр зүйлийн 21.1.1-д заасны дагуу санаатай гэмт хэрэг үйлдсэн нь нотлогдож, шүүхийн шийтгэх тогтоол хүчин төгөлдөр болсон тохиолдолд хуульчдын холбооны гишүүнээр элсүүлэхээс татгалзах үндэслэлтэй. Нэхэмжлэгч нь хууль бус шийдвэр гаргасан хэргээр ял шийтгэл эдэлж байсан нь нотлогдсон тул холбооны гишүүнээр элсүүлэхээс татгалзсан нь хуульд нийцсэн байна. Өмнө ял шийтгүүлсэн нь эрх зүйн байдлыг дордуулдаггүй гэсэн нэхэмжлэгчийн тайлбар нь холбогдох хуулийн зохицуулалттай нийцэхгүй байна.