Тогтоол №2460

ХЭРГИЙН ТАНИЛЦУУЛГА: Албан тушаалаас чөлөөлсөн тушаалыг хүчингүй болгуулах, эгүүлэн тогтоолгох, ажилгүй байсан хугацааны цалин хөлс гаргуулах тухай нэхэмжлэл. АНХАН ШАТ: Төрийн албаны тухай хуулийг баримтлан нэхэмжлэлийг хангаж, албан тушаалаас чөлөөлсөн тушаалыг хүчингүй болгож, эгүүлэн тогтоож, ажилгүй байсан хугацааны дундаж цалин хөлстэй тэнцэх олговор олгох, нөхөн бичилт хийхийг даалгасан. ДАВЖ ЗААЛДАХ ШАТ: Хариуцагч нь анхан шатны шүүх хуулийг бүрэн бодитой тогтоогоогүй, хуулийг тал бүрээс нь тайлбарлаагүй гэж гомдол гаргасан. Давж заалдах шатны шүүх нь анхан шатны шүүхийн шийдвэрийг хэвээр үлдээж, гомдлыг хангахгүй орхисон.

ҮНДЭСЛЭЛ: Албан тушаал бууруулахдаа Төрийн албаны тухай хуулийн 23.1.1, 23.1.2-т заасан үндэслэлүүд бүрдээгүй, ажлын байрны тодорхойлолтын шаардлагыг хангаагүй гэх үндэслэлээр албан тушаал бууруулсан нь хуульд нийцээгүй. Төрийн албаны шудрага ёс, мэргэшсэн, тогтвортой байх зарчимтай нийцээгүй. Ажлын байрны тодорхойлолт шинэчлэгдээгүй байхад албан тушаал бууруулсан нь үндэслэлгүй. Нэхэмжлэгчийг буруу албан тушаалд эгүүлэн тогтоосон боловч хариуцагч гомдол гаргаагүй тул хэвээр үлдээсэн.