Тогтоол №2227

ХЭРГИЙН ТАНИЛЦУУЛГА: Иргэн Д.З нь Хан-Уул дүүргийн Татварын хэлтсийн улсын байцаагчийн хувьцаа борлуулалтаас ногдох орлогын татварыг буруу тогтоосон актыг хүчингүй болгож, татвар ногдуулсан орлогоо үнэн зөв тайлагнаж, нөхөн татвараас чөлөөлүүлэхийг шаардсан. АНХАН ШАТ: Нэхэмжлэгчийн татварын акт болон татвар ногдуулсан орлогоо дутуу тайлагнасан зөрчлийг үндэслэлтэй гэж үзэн, мөн “Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай” хуулийг хэрэглэн тогтоосон нөхөн татвар, торгууль, алдангийг өршөөн хэлтрүүлж шийдвэрлэсэн. ДАВЖ ЗААЛДАХ ШАТ: Анхан шатны шүүх “Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай” хуулийг буруу тайлбарлаж, татварын нөхөн төлбөрийг өршөөлд хамруулсан байх тул шийдвэрт өөрчлөлт оруулж, татварын торгууль, алдангийг өршөөлд хамруулж, нөхөн татварыг хэвээр үлдээж шийдвэрлэсэн.

ҮНДЭСЛЭЛ: Хувьцаа борлуулсны орлогын татварыг дутуу тайлагнасан нь зөрчил боловч энэ нь татвар төлөгчийн төлөх ёстой байсан үүрэг буюу нөхөн төлбөр бөгөөд “Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай” хуулийн дагуу нөхөн татвараас чөлөөлөгдөх үндэслэлгүй. Харин уг хууль нь захиргааны шийтгэл болох торгууль, алдангид үйлчлэх боломжтой.