Тогтоол №1311

ХЭРГИЙН ТАНИЛЦУУЛГА: Нэхэмжлэгч сумын Засаг даргын Тамгын газрын Нийгмийн ажилтны албан тушаалаас орон тоо хасагдсан үндэслэлээр чөлөөлсөн захирамж, тушаалыг хүчингүй болгож, ажилд эгүүлэн тогтоон, ажилгүй байсан хугацааны цалин гаргуулах шаардлага гаргасан.

АНХАН ШАТ: Засаг даргын Тамгын газрын даргын тушаалыг хүчингүй болгож, ажилд эгүүлэн тогтоох, цалин гаргуулах шаардлагыг хэрэгсэхгүй болгосон. Засаг даргын захирамжийг хүчийнүй болгуулах нэхэмжлэлийг хүлээн авахаас татгалзсан. Үндэслэл нь Засаг захиргаа, нутаг дэвсгэрийн нэгж, түүний удирдлагын тухай хуулийн 33.4, Төрийн албаны тухай хуулийн 27.2.4, Захиргааны хэрэг шүүхэд хянан шийдвэрлэх тухай хуулийн 54.1.1.

ДАВЖ ЗААЛДАХ ШАТ: Нэхэмжлэгч ажлаас чөлөөлсөн нь хууль бус, тэтгэмж олгоогүй, өөр ажлын байраар хангаагүй, шинээр бий болсон Байгаль орчны түшмэлийн орон тоонд ажиллах боломжтой байсан тул анхан шатны шийдвэрийг хүчингүй болгохыг хүссэн. Давж заалдах шатны шүүх анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Давж заалдах шатны шүүх нь анхан шатны шүүх нэхэмжлэлийн шаардлага, үндэслэлийг тодруулаагүй, нотлох баримтыг бүрэн цуглуулаагүй, нэхэмжлэгчийн ямар эрх, ашиг сонирхол хөндөгдсөн, ямар шийдвэр хүссэн нь ойлгомжгүй байхад хэргийг шийдвэрлэсэн нь буруу гэж дүгнэсэн. Шинээр бий болсон албан тушаалд сонгон шалгаруулалт зарлах хууль зүйн үндэслэлийг болон томилгооны журмыг тодруулан нотлох баримт цуглуулах нь хэргийг шийдвэрлэхэд ач холбогдолтой байсан. Иймд хэрэгт цуглуулсан баримтын хүрээнд эцэслэн шийдвэрлэх боломжгүй тул анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан.