Тогтоол №9191

ХЭРГИЙН ТАНИЛЦУУЛГА: ХХК нь оюуны өмчийн газрын улсын байцаагчийн ногдуулсан торгууль, өгсөн даалгаврыг хууль зүйн үндэслэлгүй, эрх ашгийг нь зөрчсөн хэмээн үзэж, хүчингүй болгуулахаар гомдол гаргасан. ХХК нь өөрийн импортолсон зуух нь патентыг зөрчөөгүй, харин тухайн патент нь холбогдох улсад бүртгэгдээгүй, эрх олгохдоо хууль зөрчигдсөн гэж тайлбарласан. Улсын байцаагч нь шинэ бүтээлийн томьёололтой харьцуулж, зуухны бүтцийг зөрчсөн гэж дүгнэсэн.

АНХАН ШАТ: Анхан шатны шүүхээс А ХХК-ийн гомдлын шаардлагыг бүхэлд нь хэрэгсэхгүй болгож шийдвэрлэв.

ҮНДЭСЛЭЛ:

1. А ХХК-ийн импортолсон зуух нь шинэ бүтээлийн патенттай томьёололтой адил бүтээцтэй, улмаар Патентийн тухай хуулийг зөрчсөн нь тогтоогдсон.
2. Патентийн эрх нь хүчин төгөлдөр бөгөөд патент эзэмшигч нь зөвшөөрөлгүй ашиглахыг хориглох эрхтэй.
3. Ашигласан эсэх, патент бүртгүүлэх эрхийн асуудал нь уг зөрчлийн хэргийг шийдвэрлэхэд харьяалалгүй бөгөөд тусдаа маргаан хянан шийдвэрлэх асуудал.
4. Эрх бүхий албан тушаалтнаас тогтоосон зөрчлийн үр дагаврыг арилгах арга хэмжээ нь хуульд нийцсэн.