Тогтоол №8946

ХЭРГИЙН ТАНИЛЦУУЛГА: Сонгуулийн зардлын дансны мэдээллийг холбогдох байгууллагад бүртгүүлээгүй нь холбогдох хуулийн заалтыг зөрчсөн хэргээр иргэн Ш.Ц-д шийтгэл ногдуулсан шийтгэлийг хүчингүй болгуулах тухай гомдол гаргасан. Гомдол гаргагчийн зүгээс аудитын байгууллага нь эрх ашгийг нь хөндсөн акт гаргахдаа сонсгол хийгээгүй, нэр дэвшигч нь дансны мэдээллийг хуулийн хугацаанд нь намд хүргүүлсэн гэж маргасан. Хариуцагчийн зүгээс нэр дэвшигч нь хуулиар заасан хугацаанд дансны мэдээллийг төрийн аудитын байгууллагад мэдэгдэж, бүртгүүлээгүй нь Зөрчлийн тухай хуулийн холбогдох зүйл заалтыг зөрчсөн тул ногдуулсан шийтгэл хууль ёсны бөгөөд үндэслэлтэй гэж тайлбарласан. АНХАН ШАТ: Татварын улсын байцаагчийн ногдуулсан 10,000,000 төгрөгийн шийтгэлийг хүчингүй болгуулах тухай гомдлыг хэрэгсэхгүй болгож шийдвэрлэсэн.

ҮНДЭСЛЭЛ: Нэр дэвшигч нь сонгуулийн зардлын дансны дугаар, банкны нэрийг санал авах өдрөөс 20 хоногийн өмнө төрийн аудитын орон нутгийн байгууллагад мэдэгдэж, бүртгүүлэх үүрэгтэй бөгөөд энэхүү үүргээ биелүүлээгүй нь тогтоогдсон. Хуульд заасан журмыг зөрчсөн тохиолдолд шийтгэл ногдуулна гэсний дагуу шийтгэл оногдуулсан нь үндэслэлтэй. Төрийн аудитын байгууллагад данс бүртгүүлэх үүргийг нэр дэвшигч өөрөө хүлээдэг тул энэ үүргээ биелүүлээгүй нь нотлогдсон тул шийтгэл оногдуулсныг буруутгах аргагүй.