ХЭРГИЙН ТАНИЛЦУУЛГА: Нэхэмжлэгч нь албан тушаалаас хууль бусаар халагдсан гэж үзэн, өмнөх албан тушаалдаа эгүүлэн тогтоолгох шаардлага гаргасан. Хариуцагч нь албан тушаалд томилох үед ашиг сонирхлын зөрчил үүссэн байж болзошгүй үндэслэлээр албан тушаалаас нь чөлөөлсөн тушаал гаргасан. АНХАН ШАТ: Хариуцагчийн тушаалыг хүчингүй болгож, нэхэмжлэгчийг урьд эрхэлж байсан албан тушаалд нь эгүүлэн тогтоолгох шаардлагыг хэрэгсэхгүй болгосон.
ҮНДЭСЛЭЛ: Шүүх хууль тогтоомжийг үндэслэн шийдвэр гаргасан. Хариуцагч нь шүүхийн шийдвэрийг биелүүлсэн боловч Авлигатай тэмцэх газраас ирүүлсэн албан бичгийг үндэслэл болгон нэхэмжлэгчийг албан тушаалаас нь чөлөөлж, өөр албан тушаалд томилсон. Авлигатай тэмцэх газраас ирүүлсэн албан бичигт нэхэмжлэгчийн төрсөн дүүгийн нөхрийн үйл ажиллагаа нь албан үүрэгт нөлөөлөх боломжтой, улмаар хувийн ашиг сонирхлын зөрчил үүсгэж болзошгүй болохыг дурдсан. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль болон Цагдаагийн албаны тухай хуульд заасны дагуу энэхүү шилжүүлэн томилох шийдвэр нь үндэслэлтэй байсан. Нэхэмжлэгч болон түүний төлөөлөгч Авлигатай тэмцэх газрын албан бичгийн талаарх дүгнэлттэй маргаагүй.