Тогтоол №5821

ХЭРГИЙН ТАНИЛЦУУЛГА: Иргэн Ц.Өл- нь Завхан аймгийн Засаг даргын газар эзэмших эрхийн гэрчилгээг хүчингүй болгосон захирамжийг эсэргүүцэн, хүчингүй болгуулахаар нэхэмжлэл гаргасан. Нэхэмжлэгчийн үзэж буйгаар, газраа зориулалтын дагуу ашиглах боломжгүй нөхцөл байдал үүссэн байхад, мөн бусдын хууль бус эзэмшлээс чөлөөлүүлэхээр удаа дараа хандсан боловч шийдвэрлэгдээгүй байхад, газраа зориулалтын дагуу эзэмшээгүй үндэслэлээр эрхийг нь цуцалсан нь хууль бус. Хариуцагч тал нь нэхэмжлэгч газраа 2 жил дараалан ашиглаагүй, газрын төлбөрөө төлөөгүй, гэрээгээ дүгнүүлээгүй зэрэг үндэслэлээр эрхийг нь цуцалсан нь хуульд нийцсэн гэж үзэж байна. АНХАН ШАТ: Анхан шатны шүүх нэхэмжлэлийг бүхэлд нь хангаж, Завхан аймгийн Засаг даргын захирамжийн холбогдох хэсгийг хүчингүй болгосон.

ҮНДЭСЛЭЛ: Газрын тухай хуулийн 40 дүгээр зүйлд заасан газар эзэмших эрхийн гэрчилгээг хүчингүй болгох үндэслэлүүд болох газрын төлбөрөө төлөөгүй, зориулалтын дагуу 2 жил ашиглаагүй гэх заалтууд нь гэрээг жил бүр дүгнэлт хийсэн байдалтай холбоотой бөгөөд гэрээг дүгнэлгүй байхад нь зөвхөн газар эзэмшигчийг буруутгах боломжгүй. Газар эзэмшигч нь шугам сүлжээ, худаг байснаас болон бусдын хууль бус эзэмшлээс болж газраа зориулалтын дагуу эзэмшиж, ашиглах боломжгүй байсан нь хүндэтгэн үзэх шалтгаан болно. Газар эзэмшүүлэх гэрээг дүгнэх, эрх шилжүүлэхэд улсын байгууллагын хяналт, шийдвэр шаардлагатай боловч энэ үйл явцад захиргааны байгууллагын гүйцэтгэх үүрэг хангагдаагүй. Аудитын байгууллагаас гаргасан албан шаардлагад нэхэмжлэгчийн газар эзэмших эрхтэй холбоотой мэдээлэл агуулагдаагүй байсан. Хариуцагч нь захирамж гаргахдаа бодит нөхцөл байдлыг бүрэн судлан тогтоогоогүй.