Тогтоол №1998

ХЭРГИЙН ТАНИЛЦУУЛГА: Хөдөлмөрийн яамны бүтэц өөрчлөгдөж, Аж үйлдвэрийн яам байгуулагдсантай холбогдуулан шилжиж ирсэн хоёр иргэнийг шинээр байгуулагдсан яам нь ажлын байраар хангаагүй тул тэднийг ажлын байранд эгүүлэн тогтоолгож, ажилгүй байсан хугацааны цалин хөлс, нийгмийн даатгалын шимтгэлийг гаргуулахыг шаарджээ. Хариуцагч тал нь тэд өргөдөл гаргаж тэтгэмж авсан, орон тоо хүрэлцэхгүй зэрэг үндэслэлээр нэхэмжлэлийг эс зөвшөөрчээ. АНХАН ШАТ: Нэхэмжлэлийн шаардлагыг бүхэлд нь хангаж, хариуцагчийн эс үйлдэхүйг хууль бус болохыг тогтоож, нэхэмжлэгч нарыг ажлын байранд эгүүлэн тогтоож, ажилгүй байсан хугацааны цалин хөлс, нийгмийн болон эрүүл мэндийн даатгалын шимтгэлийг нөхөн төлүүлэхийг даалгажээ.

ҮНДЭСЛЭЛ: Төрийн байгууллага өөрчлөн байгуулагдах, зохион байгуулалтын бүтэц өөрчлөгдөхөд албан хаагчийн чиг үүрэг хэвээр хадгалагдвал тухайн албан тушаалд нь үргэлжлүүлэн ажиллуулах буюу хангалттай шаардлага хангасан албан хаагчийг сонгон шалгаруулах хуультай. Нэхэмжлэгчдийн өмнө эрхэлж байсан албан тушаалын чиг үүрэг шинэ бүтцэд хадгалагдан үлдсэн тул тэднийг ажлын байраар хангахгүй байх нь хуульд нийцэхгүй гэж үзсэн. Мөн нэхэмжлэгчдэд олгосон тэтгэмжийг ажилгүй байсан хугацааны цалин хөлс, шимтгэлд тооцох боломжтой байхаар хуульд заасан.