Тогтоол №1763

ХЭРГИЙН ТАНИЛЦУУЛГА: "А" ХХК нь татварын улсын байцаагчийн актаар ногдуулсан торгууль, алдангийг өршөөлд хамруулаагүйг хууль бус үйлдэл гэж үзэн, хариуцагч буюу Баянгол дүүргийн татварын хэлтэст тэдгээрийг өршөөлд хамруулахыг даалгахыг шаардсан.

АНХАН ШАТ: Анхан шатны шүүх нэхэмжлэлийн шаардлагыг бүхэлд нь хэрэгсэхгүй болгож шийдвэрлэсэн.

ҮНДЭСЛЭЛ:

1. "Эдийн засгийн ил тод байдлыг дэмжих тухай" хууль нь хяналт шалгалтаар тогтоогдоогүй, нуун дарагдуулсан зөрчлийг хамарна. "А" ХХК-ийн зөрчил нь шалгалтаар тогтоогдсон тул уг хуулиар алданги, торгууль өршөөлд хамаарахгүй.
2. "Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай" хууль нь зөвхөн захиргааны шийтгэлийг хамарна. Татварын улсын байцаагчийн актаар ногдуулсан алданги нь захиргааны шийтгэлийн төрөлд хамаарахгүй, харин торгууль нь татварын өртэй холбоотой гэж үзэн, өршөөлд хамааруулах боломжгүй гэж шүүх үзсэн.