Тогтоол №1703

ХЭРГИЙН ТАНИЛЦУУЛГА: "К*******" ХХК нь радио давтамж ашиглах тусгай зөвшөөрөл олгох сонгон шалгаруулалтыг зохион байгуулахдаа хэрэглэсэн журмыг хууль зүйлийн яамнаас бүртгүүлээгүй, улмаар журмаа зөрчин үйл ажиллагаа явуулсан гэж үзэн, уг журмыг хүчингүй болгуулах, үүн дээр үндэслэсэн сонгон шалгаруулалтын дүнгээс гарсан тогтоол, шийдвэрийг мөн хууль бус болохыг тогтоож, хүчингүй болгуулах шаардлага гаргасан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон.

ҮНДЭСЛЭЛ: Харилцаа холбооны зохицуулах хорооны баталсан "Радио давтамж ашиглах тусгай зөвшөөрлийг өрсөлдүүлэн шалгаруулж олгох журам" нь байгууллагын дотоод зохицуулалтын шинжтэй, гадагш чиглэсэн зохицуулалт агуулаагүй тул Засгийн газрын тогтоолоор баталсан "Захиргааны хэм хэмжээ тогтоосон шийдвэр гаргах журам"-ын дагуу улсын бүртгэлд бүртгүүлэх шаардлагагүй. Нэхэмжлэгч нь журмыг бүртгүүлээгүйн улмаас эрх нь зөрчигдсөн гэх үндэслэл тогтоогдоогүй. Сонгон шалгаруулалтын явцад журмын дагуу үнэлгээ хийгдсэн бөгөөд нэхэмжлэгчийн төсөл нь техникийн хууль, журмын шаардлагыг хангаагүй, бусад оролцогчдоос бага үнэлгээ авсан. Гуравдагч этгээдээс сонгон шалгаруулалтаас өмнө тоног төхөөрөмж оруулж ирсэн нь шууд шударга бус өрсөлдөөнд хамаарахааргүй, компанийн бизнесийн шийдэл байсан.**