Тогтоол №9363

ХЭРГИЙН ТАНИЛЦУУЛГА: Ажилтан нь борлуулагчаар ажиллахдаа байгууллагын бараа бүтээгдэхүүнийг хувьдаа завшиж, хуурамч үнийн дүнтэй баримт бичиг бүрдүүлэн байгууллагад 16,069,905 төгрөгийн хохирол учруулсан гэх үндэслэлээр компанийн нэхэмжлэл. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. Иргэний хуулийн 9.4.4, Хөдөлмөрийн тухай хуулийн 132.1-д заасныг үндэслэв. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч нь анхан шатны шүүхийн шийдвэр хууль ёсны болон үндэслэлтэй байх хуулийн шаардлагыг хангаагүй, бодит байдалд нийцэхгүй, нотлох баримтыг үнэлж дүгнээгүй гэх гомдол гаргасан. ХЯНАЛТЫН ШАТ: Анхан шатны шүүх хуулийг зөв тайлбарлан хэрэглээгүй тул шийдвэрт хууль хэрэглээний өөрчлөлт оруулах шаардлагатай. Нэхэмжлэгч нь эд хөрөнгийн бүрэн хариуцлага хүлээлгэх гэрээнд үндэслэн хохирол шаардсан боловч нэхэмжлэлийн шаардлагаа нотлоход хангалттай баримтгүй. ҮНДЭСЛЭЛ: Хөдөлмөрийн тухай хуулийн 135.1.2-т заасан үндэслэлгүй тул хариуцагчаас хохирол гаргуулах тухай нэхэмжлэлийг бүхэлд нь хэрэгсэхгүй болгож, анхан шатны шүүхийн шийдвэрт өөрчлөлт оруулах нь зүйтэй.