Тогтоол №8910

ХЭРГИЙН ТАНИЛЦУУЛГА: Иргэн Б.Б-гээс орон сууцны ашиглалт, засвар үйлчилгээний төлбөрийг буруу нэхэмжилж байна гэсэн гомдлоор үүссэн маргааныг шийдвэрлэх. АНХАН ШАТ: Орон сууц ашиглалт, үйлчилгээний зардалд 903 509 төгрөгийг Б.Б-ээс гаргуулж “Х-О” СӨХ-д олгохоор шийдвэрлэв. ДАВЖ ЗААЛДАХ ШАТ: “Х-О” СӨХ нь 141 414 төгрөгийг хэрэгсэхгүй болгосныг буруутгав. Б.Б нь зардлаа тайлагнаагүй, үндэслэлгүй нэмсэн, гэрээ байхгүй, гарын үсэг хуурамчаар үйлдэгдсэн, удирдлага зохион байгуулалтгүй гэж гомдол гаргав. ХЯНАЛТЫН ШАТ: Давж заалдах шатны шүүх анхан шатны шүүхийн шийдвэрт өөрчлөлт оруулж, Б.Б-ээс 466 092 төгрөг гаргуулахаар болгов. ҮНДЭСЛЭЛ: Сууц өмчлөгч нь дундын өмчлөлийн зардлыг СӨХ-д төлөх үүрэгтэй. Харин зардал хуваарилах асуудлыг бүх гишүүдийн хурлаар шийдвэрлэх ёстой. Гэтэл хэрэгт ийм баримт байхгүй, нэхэмжлэгчээс гаргасан зарим баримт нотлох баримтын шаардлага хангахгүй байсан тул хариуцагчийн зөвшөөрсөн хэмжээгээр нэхэмжлэлийн шаардлагыг хангав.