Тогтоол №27984

ХЭРГИЙН ТАНИЛЦУУЛГА: Нэхэмжлэгч автомашиныг хариуцагчид худалдсан. Автомашины үлдэгдэл төлбөрийг 14 хоногийн дотор төлөхөөр болж, үүнтэй холбоотой зээлийн гэрээ байгуулсан. Нэхэмжлэгч зээлийн гэрээг халхавч гэрээ гэж үзэн хүчин төгөлдөр бусд тооцуулж, автомашины үлдэгдэл төлбөр 20,000,000 төгрөгийг гаргуулахаар шаарджээ. Хариуцагч зээлийн гэрээг хүчин төгөлдөр бус гэж тооцуулах шаардлагыг зөвшөөрч, үлдэгдэл төлбөр төлөхөөс татгалзсан.

АНХАН ШАТ: Хариуцагч Н.С-аас 20,000,000 төгрөгийг нэхэмжлэгч А.А-д гаргуулж, улсын тэмдэгтийн хураамжид 278,000 төгрөг гаргуулж шийдвэрлэсэн.

ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч автомашин нь доголдолтой байсан, гэрээнээс татгалзаж, буцаан өгөх хүсэлт гаргасан, өндөр үнээр авсан, гэрчийн мэдүүлгийг үнэн зөв гэж үзэхгүй гэх зэрэг үндэслэлээр гомдол гаргасан. Нэхэмжлэгч талууд зээлийн гэрээ байгуулсан, эд хөрөнгө шилжүүлсэн, хариуцагч үлдэгдэл төлбөр төлөөгүй тул анхан шатны шийдвэрийг хэвээр үлдээхийг хүссэн.

ҮНДЭСЛЭЛ: Талууд автомашин худалдах, худалдан авах гэрээний үлдэх үүргийг зээлийн гэрээний үүргээр сольсноор Иргэний хуулийн 281 дүгээр зүйлийн 281.1 дэх хэсэгт заасан зээлийн гэрээний харилцаа үүссэн гэж дүгнэн, хариуцагчаас 20,000,000 төгрөг гаргуулж нэхэмжлэгчид олгох нь үндэслэлтэй. Автомашин доголдолтой байсан, доголдлыг нуун дарагдуулсан гэх үндэслэл тогтоогдоогүй тул хариуцагч төлбөр төлөх үүргээс чөлөөлөгдөхгүй. Зээлийн гэрээг Иргэний хуулийн 56 дугаар зүйлийн 56.1.3 дахь хэсэгт зааснаар хүчин төгөлдөр бус гэж үзэх үндэслэл тогтоогдоогүй, уг гэрээ нь нэхэмжлэгчийн 20,000,000 төгрөг шаардах эрхийг тодорхойлж байсан тул зээлийн гэрээг хүчин төгөлдөр бусд тооцуулах шаардлагыг хэрэгсэхгүй болгож, шийдвэрт өөрчлөлт оруулсан.