Тогтоол №24558

ХЭРГИЙН ТАНИЛЦУУЛГА: Т- ХХК нь хариуцагч Б.М-д холбогдуулан зээлийн гэрээний үүрэгт 8,188,000 төгрөг гаргуулах тухай нэхэмжлэл гаргасан. Хариуцагч нь зээл, хүү, алданги тооцохдоо Иргэний хуулийг буруу тайлбарласан, шүүх хуралдааны явцад оролцох эрхээ хангаагүй хэмээн гомдолтой байсан. АНХАН ШАТ: Хариуцагч Б.М-аас 8,188,000 төгрөг гаргуулж нэхэмжлэгч Т- ХХК-д олгож, хариуцагчаас улсын тэмдэгтийн хураамжид төлсөн 145,960 төгрөгийг гаргуулж нэхэмжлэгч Т- ХХК-д олгож, автомашиныг нэхэмжлэгчээс хариуцагчийн өмчлөлд буцаан шилжүүлэхийг даалгаж шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүх хэргийг шийдвэрлэхдээ хэрэг хянан шийдвэрлэх ажиллагааны журмыг ноцтой зөрчиж, шүүх хуралдаанд оролцох эрхийг хангаагүй, хүүг буруу тооцсон хэмээн гомдол гаргасан. Нэхэмжлэгч тал хариуцагч нь хүндэтгэн үзэх шалтгаангүйгээр ирээгүй, нэхэмжлэлийг бүхэлд нь хангаж өгөхийг хүссэн.

ҮНДЭСЛЭЛ: Давж заалдах шатны шүүхээс хариуцагчийн гомдлын зарим хэсгийг хангаж, анхан шатны шүүхийн шийдвэрт өөрчлөлт оруулсан. Гэрээ дууссанаас хойших хүүг нэхэмжлэх эрхгүй, фидуцийн гэрээгээр барьцааны зүйлийг өмчлөлдөө шилжүүлсэн нь хүчин төгөлдөр бус байх тул талуудын хооронд үүссэн эрх зүйн харилцааг зөв тодорхойлж, зээлийн гэрээний хугацаанаас хэтэрсэн хугацааны хүү, алдангийг бууруулж, нийт 5,940,000 төгрөг гаргуулахаар өөрчилсөн. Шүүх хуралдааны оролцох эрхийг хангаагүй гэх үндэслэл нь баримтаар тогтоогдоогүй тул анхан шатны шүүхийн шийдвэрийн бусад заалтыг хэвээр үлдээсэн.