Тогтоол №24067

ХЭРГИЙН ТАНИЛЦУУЛГА: Нэхэмжлэгч нь орон сууц, авто зогсоолын өмчлөх эрхийг тогтоолгох нэхэмжлэл гаргасан. Хариуцагч нь нэхэмжлэгч гэрээ зөрчсөн, улсын бүртгэлд бүртгүүлээгүй гэж тайлбарласан. Гуравдагч этгээд нь хөрөнгө оруулалтын гэрээ болон барьцааны гэрээний үндэслэлээр өмчлөх эрхээ тогтоолгосон гэж тайлбарласан. АНХАН ШАТ: Орон сууцны өмчлөх эрхийн нэхэмжлэлийг хэрэгсэхгүй болгож, авто зогсоолын хувьд хариуцагчаас нэхэмжлэгчийг өмчлөгчөөр тогтоож, улсын бүртгэлд бүртгүүлэхийг даалгасан. ДАВЖ ЗААЛДАХ ШАТ: Нэхэмжлэгч орон сууцны өмчлөх эрхийг тогтоолгох нэхэмжлэлийг хэрэгсэхгүй болгосон анхан шатны шүүхийн шийдвэрийг эс зөвшөөрч гомдол гаргасан. Давж заалдах шатны шүүх анхан шатны шүүхийн эрх зүйн дүгнэлтийг алдаатай гэж үзэн шийдвэрт өөрчлөлт оруулсан.

ҮНДЭСЛЭЛ: Талууд орон сууц худалдах-худалдан авах гэрээ байгуулсан нь тогтоогдсон. Гэвч барилга барих явцад гуравдагч этгээд хөрөнгө оруулалт хийж, барьцаалсан байсан нь тогтоогдсон. Улмаар гуравдагч этгээдтэй байгуулсан эвлэрлийн гэрээний дагуу тухайн орон сууц нь гуравдагч этгээдийн өмчлөлд шилжсэн байна. Иймд нэхэмжлэгч орон сууцны өмчлөх эрхийг тогтоолгох шаардлагагүй, харин авто зогсоолын хувьд хариуцагч нь гэрээний үүргээ биелүүлж, өмчлөх эрхийн гэрчилгээ авахад шаардлагатай бичиг баримтуудыг нэхэмжлэгчид бүрдүүлж өгөх үүрэгтэй.