ХЭРГИЙН ТАНИЛЦУУЛГА: Эцэг хүүхэдтэйгээ уулзах эрхийг хангаж өгнө үү гэх нэхэмжлэлтэй холбоотой хэрэг. Нэхэмжлэгч хүүхдээ 7 хоногт 2 удаа өөр дээрээ авч байхыг хүссэн. Хариуцагч эцгийн амьдралын буруу хэв маяг, хүүхэдтэй харилцах хандлага, өвчин туссан үедээ халамжлаагүй зэргийг үндэслэн хүүхдийг эцэгт нь өгөхгүй, өөрөө асран хүмүүжүүлнэ гэж үзсэн.
АНХАН ШАТ: Гэр бүлийн тухай хуулийн 26 дугаар зүйлийн 26.1, 26.2, 26.6-д заасныг баримтлан, эцэг хүүхэдтэйгээ уулзах, эцгийн үүргээ биелүүлэхийг даалгаж, эх нь саад учруулахгүй байхыг үүрэг болгосон. Нэхэмжлэлийг бүхэлд нь хангаж, улсын тэмдэгтийн хураамжийг хэвээр үлдээсэн.
ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэрийг эс зөвшөөрч, хүүхдийн хүмүүжилд тэгш эрх эдлэх, эрүүл чийрэг өсгөн бойжуулах, сэтгэл зүйн төлөвшил, үндэсний ёс заншил, боловсрол, хөдөлмөр зэрэгт суурь боловсрол олгох эрхийг нь хангаагүй гэж гомдол гаргасан.
ҮНДЭСЛЭЛ: Анхан шатны шүүх нь хэргийн бодит байдлыг тогтоож, хуулийг зөв хэрэглэсэн. Нэхэмжлэгч нь өөрийн тайлбараа баримтаар нотлоогүй, хариуцагч нь хүүхэд, нэхэмжлэгчийн эрх, хуулиар хамгаалагдсан ашиг сонирхолд хохирол учруулсан, үүргээ биелүүлээгүй нь тогтоогдоогүй тул анхан шатны шүүхийн шийдвэрийг хэвээр үлдээх нь зүйтэй.