Тогтоол №20340

ХЭРГИЙН ТАНИЛЦУУЛГА: Нэхэмжлэгч нь хариуцагч нартай байгуулсан зээлийн гэрээний дагуу үндсэн зээл, хүү, алданги гаргуулах шаардлага гаргасан. Хариуцагч нь гэрээний нөхцөл, төлбөрийг бүрэн биелүүлээгүй, зарим гэрээний мөнгөн шилжилт хийгдээгүй гэж маргасан. АНХАН ШАТ: Хариуцагч нараас нийт 42,665,000 төгрөгийг гаргуулан нэхэмжлэгчид олгохоор шийдвэрлэсэн. ДАВЖ ЗААЛДАХ ШАТ: Хариуцагчийн өмгөөлөгч нь анхан шатны шүүхийн шийдвэрийг эс зөвшөөрч, 2020 оны гэрээгээр мөнгө шилжээгүй, улмаар хүчин төгөлдөр бус гэж үзэн, төлсөн мөнгийг үндсэн зээлээс хасаж, нийт 10,500,000 төгрөг гаргуулахээр өөрчлөлт оруулах гомдол гаргасан. Давж заалдах шатны шүүхээс анхан шатны шүүхийн шийдвэрт өөрчлөлт оруулж, хариуцагч нараас 39,165,000 төгрөгийг гаргуулахаар тогтоожээ. ҮНДЭСЛЭЛ: Анхан шатны шүүх 2020 оны 4 дүгээр сарын 03-ны өдрийн гэрээг зээлийн гэрээний сунгалт гэж буруу дүгнэсэн. Уг гэрээнд мөнгө шилжүүлээгүй тул Иргэний хуулийн 282.4-т заасны дагуу шаардах эрх үүсэхгүй. Харин 2018 оны гэрээний хугацааг сунгасан хугацаа хүртэлх хүү, алдангийг шаардах эрхтэй. Зээлдэгч нар нийт 28,000,000 төгрөгийг хүүд төлсөн бөгөөд үүнийг үндсэн зээлээс хасахгүй. Нэхэмжлэгч нь алдангийн хэмжээг бууруулж, нийт 39,165,000 төгрөгийг шаардах нь зүйтэй.