Тогтоол №18649

ХЭРГИЙН ТАНИЛЦУУЛГА: Тээврийн хэрэгслийн мөргөлдөөний улмаас учирсан гэм хорын хохирлыг нэхэмжилсэн. АНХАН ШАТ: Хариуцагчаас нэхэмжлэгч М.О-д 2 562 500 төгрөг, З.У-т 230 000 төгрөгийг гаргуулж, үлдэх хэсгийг хэрэгсэхгүй болгож, улсын тэмдэгтийн хураамж 59 630 төгрөгийг хариуцагчаас гаргуулж шийдвэрлэсэн. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч автомашинд учирсан хохирлыг буруу дүгнэн, нэхэмжлэлийн зарим хэсгийг хэрэгсэхгүй болгосныг эс зөвшөөрч гомдол гаргасан. Шүүх анхан шатны шийдвэрт өөрчлөлт оруулж, нэхэмжлэгч З.У-т 230 000 төгрөг, М.О-т 18 228 900 төгрөг гаргуулж, улсын тэмдэгтийн хураамжийг 250 244 төгрөгөөр өөрчлөн шийдвэрлэсэн.

ҮНДЭСЛЭЛ: Замын хөдөлгөөний дүрмийг зөрчиж, нэхэмжлэгчийн тээврийн хэрэгслийг мөргөж, улмаар эрүүл мэнд, эд хөрөнгөд нь гэм хор учруулсан нь тогтоогдсон. Учирсан хохирлыг Иргэний хуулийн холбогдох зүйл заалтуудаар хариуцагч хариуцах үүрэгтэй. Хохирлын хэмжээг тогтоосон баримтыг шүүх зохих ёсоор үнэлж, эрүүл мэнд, эд хөрөнгөд учирсан хохирлыг нэхэмжлэгчдэд бүрэн барагдуулах нь зүйтэй.