Тогтоол №17509

ХЭРГИЙН ТАНИЛЦУУЛГА: Эд хөрөнгө хөлслөх гэрээг хууль бусаар цуцалснаас учирсан хохирол, торгууль гаргуулах тухай нэхэмжлэл. АНХАН ШАТ: Эд хөрөнгө хөлслөх гэрээг хууль бусаар цуцалсан гэх үндэслэлээр хариуцагчаас 1,057,000 төгрөг гаргуулан нэхэмжлэгчид олгож, үлдсэн хэсгийг хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчийн төлөөлөгч шийдвэрийг эс зөвшөөрч, хариуцагчийг гэрээ зөрчсөн гэж дүгнэсэн атлаа нэхэмжлэлийн ихэнх хэсгийг хэрэгсэхгүй болгосныг гомдолд дурдсан. Гэрээний зүйлсийг урт хугацаанд түрээслэхэд зориулж хийсэн тохижилтыг ашиглах боломжгүй болсон, олох байсан орлого, илүү гарсан түрээсийн төлбөрийг харгалзаж өгөх, гэрээг нэг мөр болгох шаардлага тавьсан.

ҮНДЭСЛЭЛ: Хариуцагч гэрээгээ хугацаанаас нь өмнө цуцалсан нь тогтоогдож, Иргэний хуулийн 287.1-д заасан эд хөрөнгө хөлслөх гэрээний харилцаа үүссэн гэж үзсэн нь зөв боловч, нэхэмжлэлийн зарим хэсгийг шийдвэрлэхдээ гэрээ зөрчсөнөөс үүсэх хариуцлагын талаарх хуулийн зохицуулалтыг буруу хэрэглэсэн, нотлох баримтыг дутуу үнэлсэн байна. Торгууль 300,000 төгрөгийг хариуцагч хүлээн зөвшөөрсөн. Засан сайжруулалтын зардал 1,270,000 төгрөгийг хангаагүй нь зөв. Эд зүйлс гэмтээсний төлбөр 440,000 төгрөгийг хангаагүй нь үндэслэлтэй. Өөр түрээсийн талбайг өндөр үнээр түрээсэлж 757,000 төгрөгийн илүү зардал гаргасныг хохиролд тооцсон. Олох байсан орлогын 50 хувь болох 2,000,000 төгрөгийг хариуцагчаас гаргуулахаар шийдвэрт өөрчлөлт оруулсан.