Тогтоол №17497

ХЭРГИЙН ТАНИЛЦУУЛГА: Иргэн Н.Х нь иргэн Д.О-г зээлийн гэрээний үүрэг гүйцэтгүүлэн 17,800,000 төгрөг гаргуулахаар нэхэмжилсэн. АНХАН ШАТ: Хариуцагч Д.О-оос 17,800,000 төгрөгийг гаргуулж, нэхэмжлэгч Н.Х-д олгож, улсын тэмдэгтийн хураамжийг хариуцагчаас гаргуулж нэхэмжлэгчид олгох шийдвэр гаргасан. ДАВЖ ЗААЛДАХ ШАТ: Хариуцагчийн өмгөөлөгч анхан шатны шүүхийн шийдвэрийг эс зөвшөөрч, үндсэн зээл 10,800,000 төгрөг, хүү 2,150,000 төгрөг, нийт 12,950,000 төгрөгийг гаргуулахаар шийдвэрт өөрчлөлт оруулах гомдол гаргасан.

ҮНДЭСЛЭЛ: Шүүх харилцан тохиролцсон 10,800,000 төгрөгийн зээл болон түүний хүүгээр хэргийг шийдвэрлэв. Анхан шатны шүүх зээлдэгч аваагүй мөнгөн дээр хүү тооцсон нь буруу байсан. Хариуцагчийн зөвшөөрсөн хэмжээгээр хүүг тооцон, төлсөн хэсгийг хасч тооцно. Хариуцагчаас зээлийн үндсэн төлбөр 10,800,000 төгрөг, хүү 2,150,000 төгрөг, нийт 12,950,000 төгрөгийг гаргуулах нь зүйтэй.