Тогтоол №17065

ХЭРГИЙН ТАНИЛЦУУЛГА: Иргэн Б.Л нь өөрийн ажилласан байдлыг тогтоолгох хүсэлт гаргасан. Тэрээр 1985-1991 онд нэгдэлд, 1992-1994 онд компанид малчнаар ажилласан гэж үзэж, тэтгэвэрт гарахтай холбогдуулан ажилласан байдлыг нотлох баримт бүрдүүлэхээр шүүхэд хандсан. АНХАН ШАТ: Анхан шатны шүүх Иргэний хэрэг шүүхэд хянан шийдвэрлэх тухай хуулийн 135.2.6-д заасныг баримтлан Б.Л-ийн 1991.10.20-1994.12.31-ний хооронд малчнаар ажилласан байдлыг тогтоож, 1985.07.01-1991.10.20-ны хооронгыг нь хэрэгсэхгүй болгож шийдвэрлэсэн. ДАВЖ ЗААЛДАХ ШАТ: Хүсэлт гаргагч Б.Л нь анхан шатны шүүхийн шийдвэрийг эс зөвшөөрч, 1985.07.01-1991.10.20-ны хооронд ажилласан байдлыг нь хэрэгсэхгүй болгосон нь буруу, гэрчийн мэдүүлгийг үнэлэхэд хууль буруу хэрэглэсэн гэж гомдол гаргасан. Давж заалдах шатны шүүх хэргийг хянан үзээд анхан шатны шүүхийн шийдвэрийг хэвээр үлдээж, гомдлыг хангахгүй орхисон.

ҮНДЭСЛЭЛ: Хүсэлт гаргагчийн ажилласан байдлын талаарх гомдлыг хангахад хангалттай нотлох баримт хэрэгт байхгүй, анхан шатны шүүх Иргэний хэрэг шүүхэд хянан шийдвэрлэх тухай хуулийн дагуу ажиллагаа явуулж, хэрэглэвэл зохих хэм хэмжээг зөв хэрэглэсэн, нотлох баримтыг зөв үнэлсэн байна.