Тогтоол №17051

ХЭРГИЙН ТАНИЛЦУУЛГА: Нэхэмжлэгч нэхэмжлэлдээ хариуцагчийн буруутай үйлдлээс болж нүдний хараагүй болж, хөдөлмөрийн чадвар алдсан, улмаар эмчилгээ, орлогогүй болсон зэргээр учруулсан хохирлыг барагдуулахыг шаардсан. Хариуцагч нь хилс гүтгэлэг, нэхэмжлэлийн шаардлагыг хүлээн зөвшөөрөхгүй гэж маргасан. АНХАН ШАТ: Хариуцагчаас нэхэмжлэгчийн нэхэмжилсэн хэмжээнээс нь тодорхой хэсгийг нь буюу 2,856,000 төгрөгийг гэм хорын хохиролд гаргуулж олгох, үлдэх хэсгийг хэрэгсэхгүй болгох шийдвэр гаргасан. ДАВЖ ЗААЛДАХ ШАТ: Хариуцагчийн төлөөлөгч анхан шатны шүүхийн шийдвэрийг хүчингүй болгуулахаар гомдол гаргасан. Нэхэмжлэгчийн өмгөөлөгч гомдлыг хэрэгсэхгүй болгож, анхан шатны шүүхийн шийдвэрийг хэвээр үлдээхийг хүссэн. ҮНДЭСЛЭЛ: Хариуцагчийн үйлдлээс болж нэхэмжлэгч эрүүл мэнд, хөдөлмөрийн чадвараа алдсан нь эрүүгийн хэргийн хүчин төгөлдөр шийтгэх тогтоолоор тогтоогдсон. Анхан шатны шүүх хэргийн бодит байдлыг зөв тогтоож, хуулийг зөв хэрэглэн, нотлох баримтыг бодитой үнэлэн шийдвэр гаргасан. Хариуцагчийн давж заалдах гомдол нь үндэслэлгүй.