ХЭРГИЙН ТАНИЛЦУУЛГА: “О К” ХХК нь Д.Н-аас 800,000,000 төгрөгийг зээлсэн бөгөөд зээлийн гэрээний үндсэлгүй төлсөн хэмээх 115,000,000 төгрөгийг болон Д.Н-ын өр төлбөрт төлсөн 247,141,400 төгрөгийг гаргуулахаар нэхэмжилсэн. Д.Н нь “О К” ХХК-аас хэтрүүлсэн хугацааны хүү 84,000,000 төгрөгийг гаргуулахаар сөрөг нэхэмжлэл гаргасан. АНХАН ШАТ: Д.Н-аас 247,141,400 төгрөгийг гаргуулан “О К” ХХК-д олгож, 115,000,000 төгрөгийн шаардлагыг хэрэгсэхгүй болгосон. Сөрөг нэхэмжлэлийг хэрэгсэхгүй болгож, Д.Н-аас 1,393,657 төгрөгийг гаргуулан “О К” ХХК-д олгожээ. ДАВЖ ЗААЛДАХ ШАТ: Хариуцагч тал анхан шатны шүүхийн шийдвэр нь үндэслэлгүй, хуулийг ноцтой зөрчсөн, хэргийг бүрэн шийдвэрлээгүй гэж гомдол гаргасан.
ҮНДЭСЛЭЛ: Зээлийн гэрээг амаар байгуулсан нь Иргэний хуулийн дагуу хүчинтэй бөгөөд гэрээний үндсэн үүргээ биелүүлээгүй тохиолдолд хүү авах эрхгүй. “О К” ХХК нь Д.Н-ын өр төлбөрийг төлж, түүний эд хөрөнгийг худалдан борлуулах зорилгоор 247,141,400 төгрөгийг төлсөн нь Иргэний хуулийн 496 дугаар зүйлийн 496.1-д зааснаар шаардах эрхтэй. Гэрээний хугацаа болон хүүний талаарх маргаан нь хэтрүүлсэн хугацааны хүү шаардах эрхэд нөлөөлөхгүй. Давж заалдах шатны шүүх анхан шатны шүүхийн шийдвэрийн хууль хэрэглээг өөрчилж, тогтоох хэсгийн заалтыг залруулан, давж заалдах гомдлыг хангахгүй орхисон.