Тогтоол №15328

ХЭРГИЙН ТАНИЛЦУУЛГА: Нэхэмжлэгч нь хариуцагчаас газрын тосны бүтээгдэхүүний зээлээр худалдах, худалдан авах гэрээний үүргийн биелэлтэд 423,000,000 төгрөгийг гаргуулна гэж шаардсан. Хариуцагч үндсэн төлбөрийг хүлээн зөвшөөрсөн боловч алдангийг хэт өндөр байна гэж маргасан. АНХАН ШАТ: Хариуцагчаас 423,000,000 төгрөг гаргуулж нэхэмжлэгчид олгох шийдвэр гаргасан. ДАВЖ ЗААЛДАХ ШАТ: Хариуцагч анхан шатны шүүхийн шийдвэрийг эс зөвшөөрч, гэрээний нөхцөл байдал, эдийн засгийн хүчин зүйлс, гэнэтийн болон давагдашгүй хүчин зүйлсийн тухай заалтыг үндэслэн алдангийн хэмжээг 10 хувиар бууруулж, 14,100,000 төгрөгийг хасч тооцно гэж гомдол гаргасан.

ҮНДЭСЛЭЛ: Талуудын хооронд худалдах-худалдан авах гэрээний харилцаа үүссэн нь тогтоогдсон. Талууд төлбөрийг гэрээний дагуу хийхээр тохиролцсон боловч төлбөр төлөх хавсралт хуваарь гэх баримт авагдаагүй тул алданги тоолох үндэслэлгүй байсан ч хариуцагч алдангийг бүхэлд нь хэрэгсэхгүй болгох шаардлага гаргаагүй тул алдангийн хэмжээг бууруулж шийдвэрлэх нь зүйтэй. Иймд хариуцагчаас 282,000,000 төгрөгийн үндсэн төлбөр болон 126,900,000 төгрөгийн алдангийг, нийт 408,900,000 төгрөгийг гаргуулж нэхэмжлэгчид олгохоор шийдвэрт өөрчлөлт оруулсан.