Тогтоол №14870

ХЭРГИЙН ТАНИЛЦУУЛГА: "Т ББСБ" ХХК нь иргэн Л.О, Б.Б нараас зээлийн гэрээний дагуу 9 738 277 төгрөг гаргуулах нэхэмжлэл гаргасан. АНХАН ШАТ: Хариуцагч Л.О, Б.Б нараас үндсэн зээл 5 301 852 төгрөг, хүү 3 693 271 төгрөг, нэмэгдүүлсэн хүү 738 654 төгрөг, нийт 9 733 777 төгрөг гаргуулж нэхэмжлэгч “Т ББСБ” ХХК-д олгож, нотариатын зардалд холбогдох 4 500 төгрөгийг хэрэгсэхгүй болгож, улсын тэмдэгтийн хураамжийг хариуцагчаас гаргуулж нэхэмжлэгчид олгох шийдвэрлэсэн. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхийн шийдвэрт өөрчлөлт оруулах, нэмэгдүүлсэн хүү төлөхгүй байх талаар гомдол гаргасан. Гэрээ 2017 оны 3 дугаар сард дуусгавар болсон, машиныг хураахдаа гэмтэл учруулсан гэж тайлбарласан. ҮНДЭСЛЭЛ: Зээлийн гэрээ болон барьцааны гэрээний үндэслэлээр үүссэн харилцааг шүүх зөв тогтоосон. Гэрээний нөхцөлөөр автомашины өмчлөлийг шилжүүлсэн гэх агуулга байхгүй. Фидуцийн гэрээний харилцаа үүсээгүй, автомашиныг бодитоор гаргуулан авснаар хариуцагчийн үүрэг дуусгавар болсон гэж үзэх хууль зүйн үндэслэлгүй. Зээлдэгч үүргээ зохих ёсоор биелүүлээгүй нь тогтоогдсон тул зээл, хүү, нэмэгдүүлсэн хүү шаардах эрхтэй. Барьцааны зүйлийг чөлөөлүүлэх болон учруулсан хохиролтой холбоотой шаардлага гаргаагүй тул уг асуудлыг энэ хэргийн хүрээнд шийдвэрлэхгүй.