Тогтоол №13265

ХЭРГИЙН ТАНИЛЦУУЛГА: Нэхэмжлэгч орон сууц захиалах, хөрөнгө оруулалтын гэрээг хариуцагчтай байгуулж, урьдчилгаа төлбөрөө төлөн байрыг эзэмшсэн. Ипотекийн зээл бүтэхгүй бол байрыг түрээсэлсэн гэж үзэхээр талууд нэмэлт гэрээ байгуулсан. Гэрээ цуцлагдсны дараа нэхэмжлэгч гэрээг хүчин төгөлдөр бусд тооцуулах, суутгагдсан төлбөр болон түрээсийн төлбөрөө буцаан шаардсан. Хариуцагч нэхэмжлэлийг эс зөвшөөрч, гэрээний зөрчлөөс үүссэн хохирол болох засвар, үнийн зөрүү, зээлийн хүү, алданги зэргийг нэхэмжлэгчээс гаргуулах сөрөг нэхэмжлэл гаргасан.

АНХАН ШАТ: Шүүх хариуцагчаас 3,000,000 төгрөг гаргуулж нэхэмжлэгчид олгосон. Орон сууцны захиалгат болон нэмэлт гэрээг хүчин төгөлдөр бусд тооцуулах, үлдэх 4,600,000 төгрөг гаргуулах нэхэмжлэлийг, мөн хариуцагчийн сөрөг нэхэмжлэлийг бүхэлд нь хэрэгсэхгүй болгосон. Үндэслэлд Иргэний хуулийн 56.1.2, 56.1.3, 56.5, 227.1, 227.3 заалтууд баримтлагдсан.

ДАВЖ ЗААЛДАХ ШАТ: Хариуцагч анхан шатны шүүхийн шийдвэрийг эс зөвшөөрч, алданги буцаан олгосон болон сөрөг нэхэмжлэлийн хохирлыг хэрэгсэхгүй болгосныг буруу хэмээн гомдол гаргасан. Давж заалдах шатны шүүх анхан шатны шүүхийн шийдвэрт өөрчлөлт оруулсан.

ҮНДЭСЛЭЛ: Давж заалдах шатны шүүх талуудын хооронд Иргэний хуулийн 196.1.1, 43.1.1-д заасан худалдах-худалдан авах гэрээ байгуулагдсан бөгөөд үүнийг хүчин төгөлдөр бусд тооцох үндэслэлгүй гэж үзсэн. Нэмэлт гэрээний дагуу нэхэмжлэгч орон сууцыг эзэмшсэн хугацааны түрээсийн төлбөрийг буцаан шаардах үндэслэлгүй. Харин ипотекийн зээл бүтээгүй нь нэхэмжлэгчийн хүсэл зоригоос үл хамаарах тул гэрээнд заасан алданги тооцсон нь Иргэний хуулийн 232.1, 232.5-д нийцэхгүй хэмээн анхан шатны шүүх 3,000,000 төгрөгийг буцаан гаргуулсныг хэвээр үлдээсэн. Хариуцагчийн сөрөг нэхэмжлэлийн засварын зардалд шаардсан 550,000 төгрөгийг Иргэний хуулийн 295.1-д зааснаар хөлслөгч эд хөрөнгийн элэгдлийг тооцон буцаан өгөх үүрэгтэйг үндэслэн хангах үндэслэлтэй гэж үзэж, анхан шатны шийдвэрт өөрчлөлт оруулсан. Сөрөг нэхэмжлэлийн бусад хохирлын шаардлагыг нэхэмжлэгчийн гэрээний үүргийг зөрчсөнөөс үүссэн хохирол гэж үзэх үндэслэлгүй хэмээн хэрэгсэхгүй болгосныг зөв гэж дүгнэжээ.