Тогтоол №13018

ХЭРГИЙН ТАНИЛЦУУЛГА: Газар эзэмших эрхтэй хамтран эзэмшигч нь газраа бусдад худалдсан хэлцлийг хүчин төгөлдөр бус болохыг тогтоолгож, газрыг бусдын эзэмшлээс чөлөөлүүлэх, улсын шийдвэрийг гаргуулах шаардлага гаргасан. Хариуцагч нь газрын өмчлөгчөөр тогтоолгох сөрөг нэхэмжлэл гаргасан. АНХАН ШАТ: Газар худалдах, худалдан авах хэлцлийг хүчин төгөлдөр бус болохыг тогтоолгож, газрыг хууль бус эзэмшлээс чөлөөлүүлэх, улсын шийдвэрийг хариуцагч нараас гаргуулах нэхэмжлэлийг бүхэлд нь хэрэгсэхгүй болгосон. Хариуцагчийн сөрөг нэхэмжлэлийг хангаж, газрын анхны өмчлөгчөөр бүртгэж, улсын бүртгэлийн гэрчилгээ олгохыг даалгасан. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч нь анхан шатны шүүх нотлох баримттай танилцах, тэгш эрхтэй оролцох эрхийг зөрчсөн, нэг талыг баримталсан гэж гомдол гаргасан. Давж заалдах шатны шүүх анхан шатны шүүхийн шийдвэрийг хэвээр үлдээж, гомдлыг хангахгүй орхисон.

ҮНДЭСЛЭЛ: Газрыг худалдах, худалдан авах хэлцэл байгуулах үед нэхэмжлэгч хамтран эзэмшигчээр байлцсан гэсэн хариуцагчийн тайлбарыг нэхэмжлэгч нотлоогүй. Хариуцагч нар газрыг худалдан авснаас хойш эзэмшиж, ашиглаж байсан болох нь баримтаар тогтоогдсон. Нэхэмжлэгч нь өөрийн эрх ашиг зөрчигдсөнийг мэдээгүй байсан гэх үндэслэлгүй. Шүүх хуралдааны товыг мэдэгдэж, нэхэмжлэгч нь хүндэтгэх шалтгаангүйгээр оролцоогүй тул шүүх түүний эзгүй байхад хэргийг хянан шийдвэрлэсэн нь хууль зөрчөөгүй.