ХЭРГИЙН ТАНИЛЦУУЛГА: Иргэн О.С нь хариуцагч Б.Б-д холбогдуулан автомашин худалдах-худалдан авах гэрээний үүргээ биелүүлээгүйн улмаас учирсан хохирол, зардал гаргуулах нэхэмжлэл гаргажээ. АНХАН ШАТ: Хариуцагч Б.Б-аас 4 800 000 төгрөгийг гаргуулан нэхэмжлэгч О.С-т олгож, нэхэмжлэлийн бусад шаардлагыг хэрэгсэхгүй болгож шийдвэрлэжээ. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч нь анхан шатны шүүхийн шийдвэр хууль ёсны болон үндэслэлтэй бус байна гэж гомдол гаргасан.
ҮНДЭСЛЭЛ: Хариуцагч гэрээний үүргээ зөрчсөнөөс үүдэлтэй зах зээлийн үнийн зөрүү болох 4 800 000 төгрөгийг нэхэмжлэгч хохиролд тооцож шаардсан нь Иргэний хуулийн холбогдох зүйл заалтаар зөвтгөгдөж байна. Автомашины гэмтэл, гэрээний бусад нөхцөл байдал, нэхэмжлэгчийн гэрээнээс татгалзсан нь үндэслэлтэй гэж шүүх тогтоожээ.