ХЭРГИЙН ТАНИЛЦУУЛГА: Нэхэмжлэгч нь ажил олгогчийн санаачилгаар үндэслэлгүй халсан гэж үзэн ажилд эгүүлэн тогтоолгож, ажилгүй байсан хугацааны олговор, нийгэм, эрүүл мэндийн даатгалд нөхөн бичилт хийлгүүлэхийг шаардсан. Хариуцагч нь сургуулийг нэгтгэсэн, хуулийн дагуу халсан, тэтгэмж олгосон гэж тайлбарласан.
АНХАН ШАТ: Хөдөлмөрийн тухай хуулийн холбогдох зүйл заалтыг үндэслэн нэхэмжлэлийг бүрэн хангаж, ажилд эгүүлэн тогтоож, олговор гаргуулж, даатгалын дэвтэрт нөхөн бичилт хийлгүүлэхийг үүрэг болгосон.
ДАВЖ ЗААЛДАХ ШАТ: Хариуцагч тал анхан шатны шүүхийн шийдвэрт татгалзсан гомдол гаргаж, олговор тооцох, улсын тэмдэгтийн хураамж гаргуулах шийдвэрийг хуулийг буруу тайлбарласан, хэрэглэсэн гэж үзсэн. Давж заалдах шатны шүүх анхны шийдвэрт өөрчлөлт оруулж, олговор, тэмдэгтийн хураамжийг бууруулсан.
ҮНДЭСЛЭЛ: Хөдөлмөрийн тухай хуулийн 40.1.1-д заасан орон тоо хасагдсан, ажилтны тоо цөөрсөн гэх үндэслэл тогтоогдоогүй, нэхэмжлэгчийн авсан тэтгэмжийг олговороос хасаж тооцох болон улсын тэмдэгтийн хураамжийг холбогдох хуулийн дагуу шийдвэрлэв.