Тогтоол №11809

ХЭРГИЙН ТАНИЛЦУУЛГА: Нэхэмжлэгч нь зээлийн гэрээний үүрэгт 5,000,000 төгрөг гаргуулах, хариуцагч нь 3,000,000 төгрөг зээлж, төлсөн гэж маргасан. АНХАН ШАТ: Иргэний хуулийн 281 дүгээр зүйлийн 281.1-д заалтыг үндэслэн хариуцагчаас 1,600,000 төгрөг гаргуулж нэхэмжлэгчид олгох, үлдэх хэсгийг хэрэгсэхгүй болгосон. ДАВЖ ЗААЛДАХ ШАТ: Хариуцагч нь зээлээ бүрэн төлсөн, нотлох баримтыг анхан шатны шүүхэд гаргаж өгөөгүйгээ хүлээн зөвшөөрч, шинээр баримт гаргах, гэрчүүдийг оролцуулах хүсэлт гаргасан. Нийслэлийн Иргэний хэргийн давж заалдах шатны шүүх анхан шатны шүүхийн шийдвэрийг хэвээр үлдээж, гомдлыг хангахгүй орхисон.

ҮНДЭСЛЭЛ: Талууд мөнгө шилжүүлсэн эсэх маргаантай үед үйл баримтыг нэхэмжлэгч нотлох үүрэгтэй. Нэхэмжлэгч нь 5,000,000 төгрөг шилжүүлсэн гэдгийг нотлохоор банкны хуулгыг гаргасан боловч гүйлгээний утга нь “ногооны үнэ” гэсэн байх тул 5,000,000 төгрөг шилжүүлсэн гэж үзэх боломжгүй. Хариуцагч 3,000,000 төгрөг зээлсэнгээ хүлээн зөвшөөрсөн байдлыг үндэслэн зээлийн хэмжээг 3,000,000 төгрөг гэж тодорхойлсон нь зөв. Хариуцагч зээлийн үүргээ биелүүлсэн гэх үндэслэлээ нотлоогүй. Нэхэмжлэгч хариуцагчаас 700,000 төгрөгийг дансаар, гэрчээс 500,000 төгрөг, 11 шуудай манжинг 200,000 төгрөгт тооцон авсан гэхийг хариуцагч үгүйсгээгүй тул 1,400,000 төгрөгийг төлсөн гэж хасч, үлдэх 1,600,000 төгрөгийг гаргуулж олгосон нь хуульд нийцнэ. Анхан шатны шүүх хэргийн бодит байдлыг зөв тогтоож, хуулийг зөв тайлбарлан хэрэглэсэн, хариуцагчийн эрхийг ноцтой зөрчсөн үндэслэлгүй.