ХЭРГИЙН ТАНИЛЦУУЛГА: Ажилгүй байсан хугацааны нөхөн олговор болон нийгмийн даатгалын шимтгэл төлүүлэх тухай нэхэмжлэл. АНХАН ШАТ: Нэхэмжлэлийн шаардлагыг хангаж, ажилгүй байсан хугацааны дундаж цалинтай тэнцэх олговор, нийгмийн даатгалын шимтгэл тооцож шилжүүлэхийг ажил олгогчид үүрэг болгосон. ДАВЖ ЗААЛДАХ ШАТ: Хариуцагч нь шүүхийн шийдвэрийг эс зөвшөөрч, нотлох баримтыг буруу үнэлсэн, хуулийг буруу хэрэглэсэн гэж гомдол гаргасан. ҮНДЭСЛЭЛ: Анхан шатны шүүхийн шийдвэр хууль ёсны, үндэслэлтэй байна. Ажилтны цалинг хийснээр нь тохируулан олгох тухай хуулийг зөрчсөн гэх хариуцагчийн гомдлыг хэргийн баримтаар няцааж, нэхэмжлэгч нь ажлаас халагдах хүртэл 7 хоногт 8 цагийн хичээл зааж байсныг тогтоож, дундаж цалинг буруу тооцсон гэх үндэслэлгүй гэж үзэв. Хариуцагчийн давж заалдах гомдлыг хангахгүй орхиж, анхан шатны шүүхийн шийдвэрийг хэвээр үлдээлээ.