ХЭРГИЙН ТАНИЛЦУУЛГА: Нэхэмжлэгч нь алтны уурхайн лиценз авах зорилгоор хариуцагч нарт 175,000,000 төгрөг шилжүүлсэн боловч ажил бүтэлгүй болж, залилагдсан хэмээн 27,000,000 төгрөг гаргуулах шаардлага гаргажээ. Хариуцагчид нь тендерийн материал бүрдүүлэх, лиценз авахад туслах гэрээ байгуулсан, нэхэмжлэгчээс 148,000,000 төгрөгийг буцаан олгосон, үлдэгдэл 27,000,000 төгрөгийг төлөхгүй гэж маргасан. АНХАН ШАТ: Хариуцагч О., Ж. нараас 27,000,000 төгрөгийг гаргуулан нэхэмжлэгч Б.*** д олгож, улсын тэмдэгтийн хураамжид төлсөн 294,100 төгрөгийг хариуцагчдаас гаргуулан нэхэмжлэгчид олгохоор шийдвэрлэв.
ҮНДЭСЛЭЛ: Талуудын хооронд Иргэний хуулийн 399 дүгээр зүйлд заасан даалгаврын гэрээний харилцаа үүссэн. Нэхэмжлэгч нь гэрээнээс татгалзсан бол гэрээний төлбөрөөс буцаан авсан хэсгийг эс тооцон, үлдэгдэл мөнгийг шаардах эрхтэй. Хариуцагчид нь гэрээний төлбөр болох 175,000,000 төгрөгийг хүлээж авсан, 148,000,000 төгрөгийг буцаан олгосон нь тогтоогдсон. Үлдэгдэл 27,000,000 төгрөгийг буцаан төлөх үүрэгтэй боловч хариуцагчид нь өөрсдийн татгалзлыг нотлох баримт гаргаж өгөөгүй тул нэхэмжлэлийг хангасан.***